+7 (701) 759 90 19
11 °С : نۇر-سۇلتان
14 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

قازاقستان بەنزيندى ەل اۋماعىنان شىعارۋعا تىيىم مەرزىمىن ۇزارتادى

25 اقپان 16:29
:ءبولىسۋ

نۇر- سۇلتان. قازاقپارات - قازاقستان بەنزيندى اۆتوموبيلمەن ەل اۋماعىنان شىعارۋعا تىيىم ۋاقىتىن ۇزارتادى. بۇل تۋرالى بۇگىن ەنەرگەتيكا مينيسترلىگىنىڭ القا وتىرىسىندا ۆەدومستۆو باسشىسى نۇرلان نوعايەۆ ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، 2019 -جىلى مۇنايدى وڭدەۋ كولەمى 2018 -جىلمەن سالىستىرعاندا 4,4 پايىزعا ءوسىپ، 17,2 ميلليون توننانى قۇرادى.

«بۇل رەتتە، 2019 -جىلى مۇناي ونىمدەرىنىڭ نەگىزگى تۇرلەرىن ءوندىرۋ كولەمى 2018 -جىلعا قاراعاندا 9,5 پايىزعا ءوستى. بيىلعى جوسپار 12,5 ميلليون توننانى قۇرايدى. ايتا كەتۋ كەرەك، جوسپارلار مۇناي ونىمدەرىنىڭ ىشكى تۇتىنۋىن نەگىزگە الا وتىرىپ ەسەپتەلگەن. ەگەر قاجەتتىلىك بولعان جاعدايدا، جىل بويى وڭدەۋ كولەمىن ۇلعايتۋ ءۇشىن بىزدە رەزەرۆ بار» ، - دەدى ەنەرگەتيكا ءمينيسترى.

ءمينيستردىڭ اتاپ وتۋىنشە، قازاقستاندىق مۇناي وڭدەۋ زاۋىتتارىن جاڭعىرتۋ جۇمىستارى اياقتالعان سوڭ ىشكى نارىقتىڭ قاجەتتىلىگى تولىعىمەن ءوزىمىزدىڭ ءوندىرىس ەسەبىنەن قامتاماسىز ەتىلەدى. بۇل رەتتە 2019 -جىلدىڭ قورىتىندىسى بويىنشا نارىقتىڭ بەنزينمەن، ديزەل وتىنىمەن جانە اۆياكەروسينمەن قامتاماسىز ەتىلۋى 100 پايىزعا جەتكەنىن اتاپ ءوتۋى كەرەك.

«2019 -جىلعى شىلدە ايىندا تىيىم سالۋدى العاننان كەيىن بەنزيندى ەۋروپاعا جانە ورتالىق ازياعا ەكسپورتتاۋ باستالدى. بەنزيننىڭ ەكسپورت كولەمى 180,7 مىڭ توننانى قۇرادى. سونداي- اق، مينيسترلىك جانار- جاعارماي تاپشىلىعى فاكتىلەرىن بولدىرماۋ ماقساتىندا مۇناي ونىمدەرىن قازاقستان رەسپۋبليكاسىنىڭ اۋماعىنان اۆتوموبيل كولىگىمەن اكەتۋگە تىيىم سالدى. ول ءار 6 اي سايىن ۇزارتىلاتىن بولادى. وسىعان بايلانىستى ۋاكىلەتتى تۇلعالارعا بۇيرىقتىڭ مەرزىمىن ۇزارتۋ بويىنشا قاجەتتى شارالاردى قابىلداۋدى تاپسىرامىن» ، - دەدى نۇرلان نوعايەۆ.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات