اقمولالىق قۇسبەگى سۇڭقار سالۋدان قازاقستان چەمپيوناتىندا كۇمىس جۇلدەگەر اتاندى
تۋرنير «بۇركىتپەن اڭ اۋلاۋ»، «سۇڭقارمەن اڭ اۋلاۋ» جانە «قارشىعامەن اڭ اۋلاۋ» سياقتى ءۇش كەزەڭنەن تۇردى، دەپ حابارلايدى قازاقپارات ءتىلشىسى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە، جارىس سولتۇستىك قازاقستان وبلىسىنىڭ قىزىلجار كەنتىندە ءوتتى. جارىسقا ەلىمىزدىڭ ءار وڭىرىنەن كەلگەن قۇسبەگىلەر قاتىستى.
«تۋرنيردە «بۇركىتپەن اڭ اۋلاۋ»، «سۇڭقارمەن اڭ اۋلاۋ» جانە «قارشىعامەن اڭ اۋلاۋ» سياقتى ءۇش كەزەڭ بولدى. جارىستىڭ العاشقى كۇنى قۇسبەگىلەر بۇركىت، سۇڭقار جانە قارشىعانى قولعا قوندىرسا، ەكىنشى كۇنى اڭ جانە قۇس اۋلاپ، ءوزارا باق سىناستى. ولاردىڭ اراسىندا جەرلەسىمىز، اقمولا وبلىستىق بالۋان شولاق اتىنداعى بالالار مەن جاسوسپىرىمدەردىڭ ۇلتتىق سپورت تۇرلەرى بويىنشا سپورت مەكتەبىنىڭ جاتتىقتىرۋشىسى ەرلان كەنجەبايەۆ سۇڭقارمەن اڭ اۋلاۋدان كۇمىس جۇلدەگەر اتاندى»، - دەيدى اقمولا وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز حاتشىسى ماحاببات بولشينا.
اۆتور اسلان وسپانوۆ