قازاقستاندا اسكەرگە شاقىرىلعانداردىڭ نەسيەسىن ۋاقىتشا توقتاتۋ ۇسىنىلدى
ق ر پارلامەنتى ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى يۋري تيموشەنكونىڭ ايتۋىنشا، نەسيەسى بولعاندىقتان اسكەرگە شاقىرىلۋشىلار وتان الدىنداعى بورىشىن وتەۋدەن جالتارىپ ءجۇر.
«سالدارىنان ساربازدىڭ نەسيەسى ونىڭ جاقىندارىنا سالماق بولىپ تۇسەدى جانە ساربازدىڭ پسيحوەموتسيالىق جاي-كۇيىنە ىقپال ەتەدى. سوندىقتان، اسكەري قىزمەت ۋاقىتىندا نەسيە تولەمىن جانە ءوسىمىن ۋاقىتشا توقتاتۋدى ۇسىنامىز»، - دەدى دەپۋتات ق ر پارلامەنتى ءماجىلىسى حالىقارالىق ىستەر، قورعانىس جانە قاۋىپسىزدىك كوميتەتىنىڭ وتىرىسىندا.
قازىرگى ۋاقىتتا اسكەردەگى ساربازداردىڭ نەسيەسىن اتا-اناسى تولەۋگە ءماجبۇر، تولەنبەگەن جاعدايدا بانك ءوسىمپۇلى قوسىلىپ جاتىر.
«ۇكىمەتكە اسكەري قىزمەت كەزىندە نەسيەنى ۋاقىتشا توقتاتۋ تۋرالى ۇسىنىم جىبەردىك. بيزنەستىڭ بۇل ۇسىنىستى قالاي قابىلدايتىنىن بىلمەيمىز، ءبىراق مۇنداي قادامدى جاساۋ قاجەت»، - دەدى يۋ. تيموشەنكو.