يتاليا كوروناۆيرۋس جۇقتىرعاندار سانى بويىنشا قىتاي مەن وڭتۇستىك كورەيادان كەيىنگى ءۇشىنشى ورىندا
ەلدە ۆەنەتسياداعى كارناۆال مەرەكەسىنىڭ سوڭعى كۇندەرى توقتاتىلدى، كوروناۆيرۋستى جۇقتىرۋ جاعدايلارىنىڭ وسۋىنە بايلانىستى سانگەرلەرگە ميلانعا ءسان اپتالىعىنا بارۋعا شەكتەۋ قويىلدى.
COVID19 جاڭا ۆيرۋسىنان يتاليادا التى ادام قايتىس بولدى. سوڭعىسى - ميلان قالاسىنداعى ساككو اۋرۋحاناسىندا كوز جۇمعان 80 جاستاعى ەر ادام.
وتكەن بەيسەنبىدە ول جۇرەك ۇستاماسىنان كەيىن لوديدەگى اۋرۋحاناعا جەتكىزىلدى، سول كۇنى اتالعان جەرگە 38 جاستاعى ەر ادام، ۆيرۋسقا جاسالعان تەستى وڭ ناتيجە بەرگەن ينفەكتسيا جۇقتىرعان العاشقى پاتسيەنت تۇسكەن.
80 جاستاعى يتاليالىق ينتەنسيۆتى تەراپيا بولىمشەسىنە جىبەرىلگەن جانە COVID19 ۆيرۋسىنا تاپسىرعان تالداماسى وڭ ناتيجە بەرگەن. سودان كەيىن ونى ميلانداعى ساككو اۋرۋحاناسىنا اۋىستىرعان.
سول ارالىقتا لومبارديانىڭ ايماقتىق ۇكىمەتى كوروناۆيرۋسپەن اۋىرعان ەر ادام تسيۆيليدەگى برەشيا اۋرۋحاناسىندا قايتىس بولدى دەگەن اقپاراتتى جوققا شىعاردى. ۆيرۋستان كوز جۇمعان جەتىنشى فاكتى راستالماعان كۇيىندە قالىپ وتىر.
ازاماتتىق قورعاۋ دەپارتامەنتىنىڭ باسشىسى اندجەلو بوررەللي يتاليادا ۆيرۋس جۇقتىرعاندار سانى 229 ادامعا جەتكەنىن حابارلادى.
قازىرگى ۋاقىتتا كوروناۆيرۋس جۇقتىرعاندار سانى بويىنشا يتاليا قىتاي مەن وڭتۇستىك كورەيادان كەيىنگى ءۇشىنشى ورىندا تۇر.