+7 (701) 759 90 19
6 °С : نۇر-سۇلتان
11 °С : الماتى
USD 447.67 EUR 491.36
RUB 5.74 CNY 63.07
جاڭالىقتار

كۇن كۇرت جىلىنىپ كەتسە سۋ قويمالاردان كوپ سۋ اعىزۋعا ءماجبۇر بولامىز - مينيستر

25 اقپان 13:56
:ءبولىسۋ
كۇن كۇرت جىلىنىپ كەتسە سۋ قويمالاردان كوپ سۋ اعىزۋعا ءماجبۇر بولامىز - مينيستر

نۇر-سۇلتان. قازاقپارات - ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ سۋ تاسقىنىنا قارسى ارنايى كوميسسيا قۇرىلعانىن ءمالىم ەتتى، دەپ حابارلايدى قازاقپارات ءتىلشىسى.

«رەسپۋبليكالىق مەنشىكتەگى گيدروتەحنيكالىق نىسانداردى تاسقىن سۋدى وتكىزۋگە دايىنداۋ ماقساتىندا مينيسترلىك قاجەتتى شارالاردى قولدانۋدا. سۋ تاسقىنىنا قارسى كوميسسيا قۇرىلدى. گيدرولوگيالىق بولجامعا سۇيەنە وتىرىپ، قوسىمشا بوس سىيىمدىلىقتاردى ۇلعايتۋ ماقساتىندا سۋ قويمالارىنىڭ جۇمىس رەجىمىنىڭ كەستەسى تۇزەتىلدى»، - دەدى مينيستر ۇكىمەت وتىرىسىندا.

قازىرگى ۋاقىتتا گيدروتەحنيكالىق نىسانداردىڭ مەنشىك يەلەرىنە باسسەيندىك ينسپەكتسيالار تاسقىن سۋلاردى قاۋىپسىز وتكىزۋ جانە ينەرتتى ماتەريالداردى، تەحنيكانى دايىنداۋ ءۇشىن قاجەتتى ءىس-شارالار وتكىزۋ تۋرالى ۇسىنىستاردى جىبەرگەن.

«سونداي-اق ءبىز قاۋىپتىلىك كارتاسىن جاسادىق. وندا توتەنشە جاعدايدىڭ تۋىنداۋ قاۋپى نەعۇرلىم جوعارى ورىندار كورسەتىلگەن. مول جاۋعان قاردىڭ مولشەرىن ەسكەرە وتىرىپ، اۋا تەمپەراتۋراسى كۇرت ارتقان جاعدايدا ءبىز سۋ قويمالارىنان سۋدى ەداۋىر اعىزۋعا ءماجبۇر بولامىز. وسىعان بايلانىستى، اكىمدىكتەر توتەنشە جاعدايعا جول بەرمەۋ جونىندە ءتيىستى شارالار قابىلداۋى قاجەت»، - دەدى ول.

مينيستر سونىمەن قاتار كەيىنگى جىلدارى گيدرومەتەورولوگيالىق قىزمەتتى جابدىقتاۋعا ەلەۋلى كوڭىل ءبولىنىپ وتىرعانىن جەتكىزدى. بۇل ءوز كەزەگىندە قازاقستان اۋماعىن گيدرومەتەورولوگيالىق مونيتورينگىمەن قامتۋعا، سينوپتيكا جانە گيدرولوگيا بولجامدارىنىڭ ساپاسىن كوتەرۋگە مۇمكىندىك بەرەدى.

«بۇدان باسقا، جىل سايىن قولدانىستاعى باقىلاۋ بەكەتتەرىنە گيدرومەتەورولوگيالىق اسپاپتار مەن جابدىقتار ساتىپ الىنادى. اتقارىلىپ جاتقان وسىنداي ءىس-ارەكەتتەر بۇل باعىتتاعى جۇمىستى كەلەشەكتە جاڭا دەڭگەيگە شىعاراتىنى ءسوزسىز»، - دەيدى ماعزۇم مىرزاعاليەۆ.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات