+7 (701) 759 90 19
6 °С : نۇر-سۇلتان
11 °С : الماتى
USD 447.67 EUR 491.36
RUB 5.74 CNY 63.07
جاڭالىقتار

قارۋ-جاراقتىڭ ۇرلانۋى: اسكەري جاساققا قاتىستى تاعى ءبىر قىلمىستىق ءىس قوزعالدى

25 اقپان 13:15
:ءبولىسۋ
قارۋ-جاراقتىڭ ۇرلانۋى: اسكەري جاساققا قاتىستى تاعى ءبىر قىلمىستىق ءىس قوزعالدى

نۇر-سۇلتان. قازاقپارات - ىشكى ىستەر ءمينيسترى ەرلان تۇرعىمبايەۆ تۇركىستان وبلىسىنداعى اۋە قورعانىسى كۇشتەرىنىڭ اسكەري بولىمشەسىندە ۇرلانعان قارۋ-جاراققا قاتىستى تاعى ءبىر قىلمىستىق ءىستىڭ قوزعالعانىن ءمالىم ەتتى، دەپ حابارلايدى قازاقپارات ءتىلشىسى.

«قازىرگى ۋاقىتتا 29 اۆتومات، 24 تاپانشا مەن وق-ءدارى تاركىلەندى. اسكەري بولىمنەن قارۋ-جاراقتى جىمقىرۋ فاكتىسى بويىنشا تەرگەۋ امالدارى جۇرگىزىلىپ جاتىر. سونىمەن قاتار سول كۇنى كەزەكشىلىكتە بولعان اسكەري جاساقتىڭ نەمقۇرايلىلىعى بويىنشا ەكىنشى قىلمىستىق ءىس قوزعالدى. سەبەبى ءدال وسىنداي مولشەردەگى قارۋدى قالاي الىپ كەتكەنىن انىقتاۋ كەرەك. اسكەري ءبولىمنىڭ باسشىلىعى مەن اسكەري جاساقتىڭ ارەكەتىنە جەكە قۇقىقتىق باعا بەرىلەدى»، - دەدى مينيستر ۇكىمەت وتىرىسىنان كەيىن تىلشىلەرگە.

ەستەرىڭىزگە سالا كەتسەك، 20- اقپان كۇنى تۇركىستان وبلىسىندا اۋە قورعانىسى كۇشتەرىنىڭ اسكەري بولىمشەسىندە كەلىسىمشارت بويىنشا قىزمەت ەتىپ جۇرگەن كىشى سەرجانت ا. بالعىنباي كەزەكشىلىكتى ءوز بەتىمەن تاستاپ شىعىپ، ءبىراز قارۋ-جاراقتى ۇرلاپ كەتكەن بولاتىن. سول كۇنى ءى ءى م جانە ۇ ق ك قىزمەتكەرلەرىنىڭ ارنايى جەدەل توبى اسكەري قىزمەتشىنى قولعا ءتۇسىردى.

اسكەري بولىمنەن بىرنەشە قارۋ ۇرلاعان اسكەري قىزمەتشى ابىلاي بالعىنبايدىڭ ەكى سىبايلاسى ۇستالدى. ىشكى ىستەر ءمينيسترى ەرلان تۇرعىمبايەۆ «اتالعان قارۋدان ەشكىمگە زالال كەلتىرىلمەگەنىن» اتاپ وتكەن بولاتىن.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات