+7 (701) 759 90 19
11 °С : نۇر-سۇلتان
17 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

جۋسان: قازاقستان سوعىس ايماقتارىنان ازاماتتاردى اكەلۋ تاجىريبەسىن بولىسۋگە دايىن

25 اقپان 11:58
:ءبولىسۋ
جۋسان: قازاقستان سوعىس ايماقتارىنان ازاماتتاردى اكەلۋ تاجىريبەسىن بولىسۋگە دايىن

جەنەۆا. قازاقپارات - قازاقستان ب ۇ ۇ ادام قۇقىقتارى جونىندەگى كەڭەسىنىڭ وتىرىستارىنا جانە قارۋسىزدانۋ جونىندەگى كونفەرەنتسياعا قاتىستى، دەپ حابارلايدى قازاقپارات سىرتقى ىستەر مينيسترلىگىنە سىلتەمە جاساپ.

سىرتقى ىستەر ءمينيسترى مۇحتار تىلەۋبەردى باستاعان قازاقستاندىق دەلەگاتسيا ادام قۇقىقتارى جونىندەگى ب ۇ ۇ كەڭەسىنىڭ جوعارى دەڭگەيدەگى سەگمەنتىنىڭ وتىرىستارىنا جانە قارۋسىزدانۋ جونىندەگى كونفەرەنتسياعا قاتىستى.

ب ۇ ۇ- نىڭ 75 جىلدىعى كەزەڭىندە ءوتىپ جاتقان ادام قۇقىقتارى جونىندەگى سەگمەنتكە ب ۇ ۇ باس حاتشىسى انتونيۋ گۋتەرريش، ب ۇ ۇ باس اسسامبلەياسىنىڭ ءتوراعاسى تيدجاني مۋحامماد-باندە، ب ۇ ۇ ادام قۇقىقتارى جونىندەگى جوعارعى كوميسسارى ميشەل باچەلەت، 55 تەن استام ەلدىڭ مەملەكەت باسشىلارى مەن مينيسترلەرى، سونداي-اق حالىقارالىق ۇيىمداردىڭ باسشىلارى قاتىستى.

كەڭەس وتىرىسىندا ءسوز سويلەگەن م. تىلەۋبەردى پرەزيدەنت قاسىم-جومارت توقايەۆ تۇڭعىش پرەزيدەنت - ەلباسى نۇرسۇلتان نازاربايەۆتىڭ باعىتىن جالعاستىرا وتىرىپ، ادام قۇقىقتارى سالاسىنداعى ۇلتتىق جانە حالىقارالىق ستاندارتتارعا تولىق قول جەتكىزۋگە نيەتتى ەكەنىن اتاپ ءوتتى. مينيستر قاتىسۋشىلاردى مەملەكەت باسشىسى جولداۋىنىڭ ادام قۇقىقتارىن قورعاۋعا قاتىستى ەرەجەلەرىن ىسكە اسىرۋ تۋرالى حاباردار ەتىپ، «حالىق ۇنىنە قۇلاق اساتىن مەملەكەت» تۇجىرىمداماسىنا جانە ۇلتتىق قوعامدىق سەنىم كەڭەسىنە نازار اۋداردى.

جولداۋدى ىسكە اسىرۋ جانە بۇۇ ۇسىنىمدارىن ورىنداۋ بويىنشا پراكتيكالىق قادام رەتىندە قازاقستاننىڭ ءولىم جازاسىن جويۋعا، ميتينگىلەر تۋرالى زاڭنامانى جەتىلدىرۋگە جانە ايەلدەر مەن بالالارعا قارسى زورلىق-زومبىلىق ءۇشىن جازانى قاتاڭداتۋعا باعىتتالعان ەكىنشى فاكۋلتاتيۆتىك حاتتاماعا قوسىلۋ تۋرالى شەشىم قابىلداندى.

م. تىلەۋبەردى «جۋسان» جانە «رۋسافا» گۋمانيتارلىق وپەراتسيالارى ناتيجەسىندە 600 دەن استام قازاقستاندىق ازامات، كوبىنەسە سيريا مەن يراكتاعى ايەلدەر مەن بالالار وتانىنا ورالعانىن اتاپ ءوتتى جانە قازاقستاننىڭ وسى سالادا جيناقتالعان تاجىريبەمەن الماسۋعا دايىن ەكەنىن جەتكىزدى.

ب ۇ ۇ ورنىقتى دامۋ سالاسىنداعى كۇش-جىگەرىنە قولداۋ كورسەتۋ تۋرالى ايتا كەلە، مينيستر الماتىدا ورتالىق ازيا مەن اۋعانستان ەلدەرى ءۇشىن ورنىقتى دامۋ ماقساتتارىن ىسكە اسىرۋ بويىنشا بۇۇ حابىنىڭ اشىلعانى، سونداي-اق وندا قازىرگى ۋاقىتتا وڭىرلىك، سۋبوڭىرلىك جانە ەلدىك مارتەبەسى بار ب ۇ ۇ- نىڭ 16 اگەنتتىگى جۇمىس ىستەيتىنى تۋرالى حابارلادى.

قارۋسىزدانۋ جونىندەگى كونفەرەنتسيا مىنبەسىنەن سويلەگەن سوزىندە سىرتقى ىستەر ءمينيسترى قازاقستاننىڭ 2045-جىلعا قاراي ەلباسىنىڭ يادرولىق قارۋسىز الەمگە قول جەتكىزۋى تۋرالى باستاماسىن ىسكە اسىرۋعا تۇراقتى بەيىلدىلىگىن اتاپ ءوتتى.

م. تىلەۋبەردى قارۋسىزدانۋ سالاسىنداعى داعدارىستى جاعدايدى ايتىپ، دەلەگاتسيالاردى يادرولىق قارۋسىزدانۋ، يادرولىق قارۋسىزدانۋ ءۇشىن ىدىرايتىن ماتەريال ءوندىرىسىن توقتاتۋ، عارىشتا جاپپاي قارۋ شىعارۋدى بولدىرماۋ جانە يادرولىق ەمەس مەملەكەتتەرگە قاۋىپسىزدىككە كەپىلدىك بەرۋ سالاسىندا جاڭا ۋاعدالاستىقتاردى ازىرلەۋ بويىنشا ناقتى جۇمىستى باستاۋعا شاقىردى.

ءساۋىر-مامىر ايلارىندا نيۋ-يوركتە وتەتىن يادرولىق قارۋدى تاراتپاۋ تۋرالى شارتتىڭ 50 جىل بۇرىن كۇشىنە ەنگەن شولۋ كونفەرەنتسياسىنىڭ ماڭىزدىلىعىن اتاپ ءوتىپ، ق ر س ءى م باسشىسى وسى شارتتىڭ حالىقارالىق قاۋىپسىزدىك جۇيەسىندەگى ورتالىق ءرولىن اتاپ ءوتتى. الداعى بەس جىلعا ارنالعان باسىم مىندەتتەر رەتىندە ول ورتالىق ازيا ايماعىن قوسا العاندا، يادرولىق قارۋدان ازات ايماقتار اراسىنداعى ىنتىماقتاستىقتى كەڭەيتۋ جونىندەگى جۇمىستى جالعاستىرۋ قاجەتتىگىن اتاپ ءوتتى.

سونىمەن قاتار، مينيستر قاتىسۋشىلارعا وتكەن جىلدىڭ 29- تامىزىندا ب ۇ ۇ- نىڭ «حالىقارالىق يادرولىق سىناقتارعا قارسى ءىس-قيمىل كۇنىن» جاريالاعان كۇنى قازاقستاننىڭ يادرولىق قارۋعا تىيىم سالۋ تۋرالى شارتتى راتيفيكاتسيالاعانى تۋرالى حابارلادى.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات