+7 (701) 759 90 19
6 °С : نۇر-سۇلتان
11 °С : الماتى
USD 447.67 EUR 491.36
RUB 5.74 CNY 63.07
جاڭالىقتار

ەرلان تۇرعىمبايەۆ سۋ باسۋ قاۋپى جوعارى وڭىرلەردى اتادى

25 اقپان 11:22
:ءبولىسۋ
ەرلان تۇرعىمبايەۆ سۋ باسۋ قاۋپى جوعارى وڭىرلەردى اتادى

نۇر-سۇلتان. قازاقپارات - ىشكى ىستەر ءمينيسترى ەرلان تۇرعىمبايەۆ كوكتەمگى سۋ تاسقىنى كەزەڭىندە توتەنشە جاعدايلاردىڭ تۋىنداۋ قاۋپىن ازايتۋ بويىنشا ءىس-شارالار جوسپارىمەن ءبولىستى، دەپ حابارلايدى قازاقپارات ءتىلشىسى.

«قازگيدرومەتتىڭ قازىرگى بولجامى بويىنشا ەلدەگى قار قورى مەن وزەن باسسەيندەرىندەگى ىلعال قورىنىڭ كولەمى نورمادان ايتارلىقتاي جوعارى. قار باسۋ پروتسەسى جالعاسۋدا.

نۇر-سۇلتان قالاسىندا، اقمولا، شىعىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىندا جاعدايدىڭ قيىنداۋ ىقتيمالدىعى جوعارى. قازىر ەلىمىزدە 609 ەلدى مەكەندى جانە 675 اۆتوموبيل جولىن جانە 259 تەمىر جولدى سۋ باسۋ قاۋپى بار»، - دەدى ەرلان تۇرعىمبايەۆ ۇكىمەت وتىرىسىندا.

ءمينيستردىڭ ايتۋىنشا تاسقىننىڭ الدىن الۋ ماقساتىندا جەرگىلىكتى اتقارۋشى ورگاندار ەلدى مەكەندەردەن 8,8 ميلليون تەكشە مەتردەن اسا قار شىعارىپ، قاجەتتى قيىرشىق ماتەريالدار مەن قۇم سالىنعان قاپتاردى، جارىلعىش زاتتار قورىن دايىنداپ قويعان.

«توتەنشە مەن شۇعىل شىعىندارعا رەزەرۆتەردە 34,2 ميلليارد تەڭگە كوزدەلگەن. ىقتيمال سۋ باسۋ جاعدايىنا ەۆاكۋاتسيالاناتىن حالىقتى قابىلدايتىن 1707 بەكەت ازىرلەنىپ، مارشرۋتتار جاڭارتىلدى، قاجەتتى كولىك ءبولىندى. تۇرمىس-تىرشىلىكتى قامتاماسىز ەتۋ ءۇشىن اكىمدىكتەر قاجەتتى قۇرالداردى (شاتىر، توسەك)، ازىق-تۇلىك پەن اۋىز سۋ قورىن دايىندادى. سۋ تاسقىنى بولعان جاعدايدا جەدەل دەن قويۋ ماقساتىندا ىشكى ىستەر ورگاندارىنان جالپى سانى 9 مىڭ ادام جانە 1730 تەحنيكادان (ونىڭ ىشىندە 332 ءجۇزۋ قۇرالى، 18 تىكۇشاق) ارنايى كۇشتەر مەن قۇرالدار توپتامالارى قۇرىلدى»، - دەدى ول.

ەرلان تۇرعىمبايەۆ جەكەلەگەن وڭىرلەردە سۋ تاسقىنى شيەلەنىسكەن جاعدايدا ازاماتتىق قورعاۋ كۇشتەرىنىڭ قۇتقارۋ بولىمشەلەرى مەن قۇرالدارىن قوسىمشا جەتكىزۋ ماسەلەلەرى پىسىقتالىپ جاتقانىن حابارلادى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات