+7 (701) 759 90 19
10 °С : نۇر-سۇلتان
13 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

باۋىرجان بايبەك شىمكەنتتىكتەرمەن كەزدەسۋىندە قانداي ماسەلەلەر كوتەرىلدى

25 اقپان 10:46
:ءبولىسۋ
باۋىرجان بايبەك شىمكەنتتىكتەرمەن كەزدەسۋىندە قانداي ماسەلەلەر كوتەرىلدى

شىمكەنت. قازاقپارات - «Nur Otan» پارتياسى باسشىلىعىنىڭ ايماقتارعا ساپارى وسى اپتادا ەلىمىزدىڭ وڭتۇستىك وڭىرلەرىندە جالعاستى، دەپ حابارلايدى قازاقپارات پارتيانىڭ باسپا ءسوز قىزمەتىنە سىلتەمە جاساپ.

پارتيا ءتوراعاسىنىڭ ءبىرىنشى ورىنباسارى باۋىرجان بايبەك الدىمەن شىمكەنتكە ات باسىن تىرەپ، قالاداعى ءبىرقاتار پروبلەمالىق نىسانداردى ارالادى. سونداي-اق بۇگىن كەزەكتەن تىس كونفەرەنسيادا شىمكەنت اكىمى مۇرات ايتەنوۆ قالالىق فيليال ءتوراعاسى بولىپ سايلاندى.

ب. بايبەك جۇمىس ساپارىن اباي اۋدانىنداعى م. ۆودوپيانوۆ كوشەسىندە وتكەن جىلى ۇيلەرى ورتەنگەن تۇرعىندارمەن كەزدەسۋدەن باستادى. بۇل پروبلەمالىق نىسان پارتيا ءتوراعاسىنىڭ ءبىرىنشى ورىنباسارىنىڭ الدىڭعى ساپارىنىڭ قورىتىندىسى بويىنشا قىركۇيەكتە پارتيالىق باقىلاۋعا الىنعان بولاتىن. قازىرگى ۋاقىتتا «وتاۋ ستروي» قۇرىلىس كومپانياسى تۇرعىن ءۇيدىڭ ىرگەتاسىن قالاپ، ەكىنشى قاباتىنا قۇرىلىس- مونتاجداۋ جۇمىستارىن جۇرگىزۋدە.

«ەلباسى ايتقانداي، «Nur Otan» - ناقتى ىستەردىڭ پارتياسى. سوندىقتان وسى ماسەلەنى باقىلاۋدا ۇستاپ، ارنايى كەلىپ، وزدەرىڭىزبەن كەزدەسىپ وتىرمىز. كورىپ وتىرسىزدار، كومپانيا بار، قاراجات بولىنگەن، قۇرىلىس ءجۇرىپ جاتىر. بۇل ماسەلە پارتيانىڭ باقىلاۋىنا الىنعان. بىزبەن بىرگە قالا اكىمىنىڭ ءوزى كەلىپ وتىر. «جۇمىلا كوتەرگەن جۇك جەڭىل» دەگەن. ءبارى زاڭ شەڭبەرىندە شەشىلەدى»، - دەدى باۋىرجان بايبەك.

جەرگىلىكتى بيلىكتىڭ مالىمەتىنە قاراعاندا، 5 قاباتتى تۇرعىن ءۇيدىڭ قۇرىلىسىنا جۋىردا بيۋدجەتتى ناقتىلاۋ كەزىندە قاجەتتى قاراجات بولىنەدى. تۇرعىن ءۇي جىل سوڭىنا قاراي پايدالانۋعا بەرىلەدى.

بۇدان كەيىن ب. بايبەك قالاعا بەس جىل بۇرىن قالاعا قوسىلعان «تاسكەن» ىقشاماۋدانىنا باردى. مۇندا 2 مىڭعا جۋىق ءۇي مەن ءبىرقاتار الەۋمەتتىك نىسان ەلەكتر ەنەرگياسىنىڭ ارا-تۇرا وشۋىنەن قيىندىق كورىپ وتىر.

«شاعىناۋداندا ءتيىستى جۇمىستار جۇرگىزىلۋدە. 2000 ءۇي دەگەن - ۇلكەن شارۋا. گاز شەشىلۋدە، سۋ شەشىلىپ جاتىر. قالعان ماسەلەلەر دە رەتىمەن شەشىلەدى. قىركۇيەك ايىنا دەيىن جەرگىلىكتى مونوپوليست «وڭتۇستىك جارىق ترانزيت» 270 ميلليون تەڭگەگە 39 كم جاڭا جەلى تارتۋدى جانە 9 ترانسفورماتور ورناتۋدى جوسپارلاپ وتىر. تاريفتەردىڭ اشىقتىعى مەن كوممۋنالدىق قىزمەتتەردىڭ ساپاسىن قامتاماسىز ەتۋ ماقساتىندا «Nur Otan» باستاماشىلىق ەتكەن «ايقىن تاريف» جوباسىنىڭ اياسىندا ءبىز بۇل ماسەلەنى پارتيالىق جانە قوعامدىق باقىلاۋدا ۇستايمىز، - دەدى باۋىرجان بايبەك.

كەزدەسۋ كەزىندە تۇرعىندار باسقا دا تۇيىتكەلدەردى، سونىڭ ىشىندە شاعىناۋدانداعى جولداردىڭ ساپاسىنا قاتىستى ماسەلەلەردى ورتاعا سالدى. جەرگىلىكتى بيلىكتىڭ ايتۋىنشا، كوكتەمدە وسىنداعى بىرنەشە كوشەنى جوندەۋ جۇمىستارى باستالادى.

سونىمەن قاتار «Nur Otan» پارتياسى ءتوراعاسىنىڭ ءبىرىنشى ورىنباسارى جۇمىس ساپارى بارىسىندا شىمكەنت قالاسىنىڭ بەلسەندى تۇرعىندارىمەن، زيالى قاۋىممەن، جاستارمەن جانە ۇكىمەتتىك ەمەس ۇيىم وكىلدەرىمەن بىرنەشە كەزدەسۋ ۇيىمداستىرىپ، وزەكتى ماسەلەلەردى بىرلەسە تالقىلادى. ولاردىڭ قاتارىندا قالانىڭ دامۋى، ينجەنەرلىك جانە جول ينفراقۇرىلىمى، دەنساۋلىق ساقتاۋ جانە مادەني- الەۋمەتتىك جاعدايى، يدەولوگيا سالاسى، رۋحانيات جايى بار. باۋىرجان بايبەك جۇرتشىلىق كوتەرىپ وتىرعان ماسەلەلەردىڭ بارلىعى ازىرلەنىپ جاتقان قالانى دامىتۋدىڭ 5 جىلدىق باعدارلاماسىنا ەنەتىنىن اتاپ ءوتتى.

باسقوسۋدا زيالىلار مەن ەل اعالارى دا ءوز ساۋالدارىن قويىپ، ويلارىن ورتاعا سالدى. اسىرەسە، ەلدە يدەولوگيالىق جۇمىستاردى جولعا قويۋ، تەلەارنالاردى ارزانقول، تاتىمسىز حابارلاردان ارىلتىپ، پايدالى اقپاراتپەن تولتىرۋ، مەديتسينا قىزمەتكەرلەرىنىڭ مارتەبەسىن كوتەرۋ، توتەنشە جاعداي، جول پوليتسياسى جانە باسقا دا سالا قىزمەتكەرلەرىنە العاشقى مەديتسينالىق كومەك كورسەتۋ تاسىلدەرىن ۇيرەتۋ سەكىلدى ۇسىنىستار بەرىلدى.

«ەلباسى- پارتيا ءتوراعاسىنىڭ تاپسىرماسى بويىنشا، ءبىز بارلىق وڭىرلەردەگى وسىنداي «ءالسىز تۇستاردى» ورتالىق جانە جەرگىلىكتى اتقارۋشى ورگاندارمەن بىرلەسىپ جۇيەلى شەشۋ ءۇشىن انىقتايمىز. بۇل ماسەلەدە حالىق بەلسەندىلىك تانىتادى دەپ ۇمىتتەنەمىز. ءبىز بىرگە، ديالوگ جانە ءوزارا سەنىم ارقىلى عانا ەل پرەزيدەنتى ۇسىنعان «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرا الامىز»، - دەدى ب. بايبەك.

ەسكە سالا كەتەيىك، ەلباسى تاپسىرماسى بويىنشا «Nur Otan» پارتياسى بىرنەشە ايدان بەرى ۇكىمەتپەن جانە وڭىرلىك فيليالدارمەن بىرلەسە وتىرىپ، الداعى 5 جىلعا اۋدانداردى، قالالاردى جانە وبلىستاردى دامىتۋدىڭ جاڭا باعدارلاماسىن ازىرلەۋ جۇمىستارىن جۇرگىزىپ جاتىر. اتالعان باعدارلامالاردا ءاربىر جەكەلەگەن ءوڭىردىڭ جەرگىلىكتى ەرەكشەلىكتەرى ەسكەرىلىپ، ازاماتتاردىڭ ناقتى قاجەتتىلىكتەرى كورىنىس تاباتىن بولادى.

وسى جۇمىستاردىڭ اياسىندا «Nur Otan» پارتياسىنىڭ باسشىلىعى ەلىمىزدىڭ بارلىق ءوڭىرىن، ءتىپتى شالعاي ەلدى مەكەندەرىنە دەيىن ارالاپ شىعادى. بۇگىنگى شارالار بىتە سالىسىمەن باۋىرجان بايبەك تۇركىستان وبلىسىنا جۇمىس ساپارىمەن جول تارتتى.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات