سولتۇستىك قازاقستاندا تۇماۋ جۇقتىرعاندار سانى ءوستى
س ق و تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسپا ءسوز قىزمەتىنىڭ مالىمەتىنشە، وڭىردە ەپيدەميالىق ماۋسىم باستالعالى رەسپيراتورلىق ۆيرۋستىق ينفەكتسيانى جۇقتىرعانداردىڭ سانى 22,5 مىڭنان اسىپ كەتكەن. تەك سوڭعى اپتادا جۇقپالى اۋرۋدى 2650 ادام جۇقتىرعان.
ال 24 اقپانداعى كورسەتكىش بويىنشا تۇماۋدى جۇقتىرعاندار سانى 288 گە جەتتى. ونىڭ 170 ى ا ءتيپتى بولسا، قالعانى ۆ ءتيپتى. 107 جاعدايدا 14 جاسقا دەيىنگى بالالار اۋىرسا، 116 سىندا تۇماۋ ەكىقابات ايەلدەردەن انىقتالعان.
رەسپيراتورلىق ۆيرۋستىق ينفەكسيانى جۇقتىرعانداردىڭ %69,4 ى 14 جاسقا دەيىنگى بالالاردى قۇرايدى. %8,3 ءبىر جاسقا دەيىنگى سابيلەر، %1 ى اياعى اۋىر ايەلدەر اۋىرعان.
دەپارتامەنت كۇندەلىكتى اۋىرعان بالالار بويىنشا مونيتورينگ جۇرگىزىپ وتىر. بۇعان دەيىن ۆيرۋستىق ينفەكسيانىڭ ورشۋىنە بايلانىستا پەتروپاۆلداعى ءبىر مەكتەپتىڭ جانە وتىزدان استام سىنىپتىڭ كارانتينگە جابىلعانىن حابارلاعان ەدىك .