+7 (701) 759 90 19
6 °С : نۇر-سۇلتان
7 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

قىتاي دارىگەرلەرى كوروناۆيرۋس قاي جانۋاردان جۇعاتىنىن انىقتادى

25 اقپان 08:15
:ءبولىسۋ
قىتاي دارىگەرلەرى كوروناۆيرۋس قاي جانۋاردان جۇعاتىنىن انىقتادى

نۇر-سۇلتان. قازاقپارات - پانگولين دەپ اتالاتىن جانۋار كوروناۆيرۋستىڭ جاڭا ءتۇرىنىڭ ارالىق يەسى بولۋى مۇمكىن.

بۇل تۋرالى دەنساۋلىق ساقتاۋ ماسەلەلەرى جونىندەگى مەملەكەتتىك كوميتەتتىڭ COVID-2019-عا قارسى ارەكەت ەتۋ جونىندەگى ساراپتاما كوميسسياسىنىڭ باسشىسى ليان ۆاننيان باسپا ءسوز ءماسليحاتىندا مالىمدەدى، - دەپ حابارلايدى Tengrinews.kz ءتىلشىسى ر ي ا نوۆوستي باسىلىمىنا سىلتەمە جاساپ.

پانگوليندەر قۇمىرسقالارمەن جانە تەرميتتەرمەن قورەكتەنەدى. دەنەسىنىڭ ۇزىندىعى 30-88 سانتيمەتر، قۇيرىعىنىڭ ۇزىندىعى - شامامەن سونشالىقتى؛ سالماعى 4,5 دەن 27 كەلىگە دەيىن. دەنە جابىنىندا ءىرى مۇيىزگەك رومب ءپىشىندى قابىرشاقتار ءبىر- بىرىنە چەرەپيتسا ءتارىزدى قاباتتاسىپ ورنالاسادى. تەك باسى، ءبۇيىرى، دەنەسىنىڭ تومەنگى جاعى، اياقتارىنىڭ ىشكى بەتى قىسقا قاتتى ءجۇن قاباتىمەن جابىلعان. پانگوليندەردى ەتى مەن ەمى بار دەگەن تۇسىنىكپەن قابىرشاقتارى ءۇشىن اۋلايدى.

«قازىرگى ۋاقىتتا زەرتتەۋلەر كوروناۆيرۋستىڭ جاڭا ءتۇرىنىڭ يەسى جارقاناتتار، ال پانگوليندەر ارالىق يەسى بولۋى مۇمكىن ەكەنىن كورسەتىپ وتىر»، - دەپ مالىمدەدى ليان ۆاننيان.

بۇعان دەيىن وڭتۇستىك قىتاي اۋىل شارۋاشىلىعى ۋنيۆەرسيتەتى مەن گۋاڭدۋڭداعى زاماناۋي اۋىل شارۋاشىلىعى زەرتحاناسىنىڭ عالىمدار توبى زەرتتەۋ جۇرگىزىپ، كوروناۆيرۋستىڭ جاڭا ءتۇرىنىڭ ارالىق يەلەرى پانگوليندەر بولۋى مۇمكىن ەكەنىن مالىمدەگەن. كەيىن ق ح ر عىلىم جانە تەحنيكا مينيسترلىگىنىڭ عىلىمي-تەحنيكالىق دامۋ باسقارماسىنىڭ باسشىسى ۋ يۋانبيننىڭ پىكىرىنشە، كوروناۆيرۋستىڭ ەڭ ىقتيمال كوزى جارقانات ەكەنىن مالىمدەدى.

ەسكە سالايىق، قىتاي بيلىگى 2019 -جىلى 31-جەلتوقساندا دۇنيەجۇزىلىك دەنساۋلىق ساقتاۋ ۇيىمىن ەلدىڭ ورتالىق بولىگىندەگى ۋحان قالاسىندا (حۋبەي پروۆينسياسى) بەلگىسىز پنيەۆمونيانىڭ ورشۋىنەن حاباردار ەتتى. ماماندار اۋرۋدىڭ قوزدىرعىشتارىن انىقتادى، بۇل جاڭا كوروناۆيرۋس. دۇنيەجۇزىلىك دەنساۋلىق ساقتاۋ ۇيىمى حالىقارالىق ماڭىزى بار توتەنشە جاعداي دەپ تانىپ، اۋرۋعا رەسمي اتاۋ بەردى - COVID-19.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات