وڭتۇستىك كورەيادا كوروناۆيرۋسپەن كۇرەس شارالارىنا قارسى شەرۋ ءوتتى
اكسياعا قاتىسۋشىلار بارلىق قىتاي ازاماتتارىنىڭ ەلگە كىرۋىنە تىيىم سالۋدى تالاپ ەتتى. قازىر شەكتەۋلەر تەك ىندەت تىركەلگەن حۋبەي پروۆينتسياسىنىڭ كەلۋشىلەرىنە قويىلعان.
پرەزيدەنت اكىمشىلىگىنە قىتاي تۇرعىندارىنىڭ ەلگە كىرۋىنە تىيىم سالۋ تالاپ ەتىلگەن پەتيتسيا جىبەرىلدى. وعان وڭتۇستىك كورەيالىقتاردىڭ 740 مىڭى قول قويعان. الايدا، دەنساۋلىق ساقتاۋ ءمينيسترى ۇكىمەت شەتەل ازاماتتارىنىڭ كىرۋىنە تىيىم سالعىسى كەلمەيتىنىن مالىمدەدى. ويتكەنى ينفەكسيانى شەتەلدىك تۋريستەر ەمەس قىتايعا بارعان وڭتۇستىك كورەيالىقتار تاراتتى.
سەۋلدىڭ نەگىزگى ءۇش الاڭىندا جاپپاي شارالار وتكىزۋگە تىيىم سالىنعانى دا وپپوزيتسيالىق پارتيالاردىڭ نارازىلىعىنا سەبەپ بولدى. وسى ەرەجەنى بۇزعانى ءۇشىن ەكى جارىم مىڭ دوللارعا دەيىن ايىپپۇل قاراستىرىلعان. دەگەنمەن، ءتورت كۇننىڭ ىشىندە ۆيرۋس جۇقتىرعاندار سانى ءتورت ەسە ءوستى. كوروناۆيرۋس ەلدىڭ ءتورت ءجۇز وتىزدان استام ازاماتىندا انىقتالعان. ولاردىڭ كوبى تەگۋ جانە وعان جاقىن اۋدانداردا تىركەلگەن.
www.24.kz