قازاقستاندىقتار كوروناۆيرۋستىڭ الدىن الۋ شارالارىنان ەۋروپادان گورى مولىراق حاباردار - بەكشين

None
None
نۇر- سۇلتان. قازاقپارات - قازاقستاندىقتار كوروناۆيرۋستىڭ الدىن الۋ شارالارىنان ەۋروپا ەلدەرىنەن گورى مولىراق حاباردار. بۇل تۋرالى قازاقستاننىڭ باس سانيتارلىق دارىگەرى جانداربەك بەكشين ايتتى، دەپ حابارلايدى قازاقپارات ءتىلشىسى.

«قاڭتار ايىنىڭ العاشقى كۇندەرىنەن باستاپ- اق، اقپان ايىندا دا ءبىزدىڭ ەلگە ەۋروپادان كەلگەن تانىستار «نەلىكتەن بايبالام سالىپ جاتىرسىزدار؟ بىزدە - ەۋروپادا ءبارى تىنىش» دەپ تاڭعالعان ەدى. گەرمانيادان كەلگەن ستۋدەنتتەردىڭ، نيندەرلاندى مەن پولشادان كەلگەن تانىستاردىڭ وسىلاي دەگەنى ەسىمدە. ولار اۋەجايلارداعى تەپلوۆيزورلارعا تاڭدانعان بولاتىن. البەتتە، ەندى كەلىپ، ولاردا سونداي جاعداي تىركەلىپ جاتسا - بۇعان كىم كىنالى؟ ولار دا ءتيىستى شەشىم قابىلداۋى كەرەك ەدى. مەنىڭ ويىمشا، قاڭتاردىڭ العاشقى كۇنىنەن باستاپ ماسەلەنى باقىلاۋعا العاندا كەيبىرەۋلەر بۇعان كۇمانمەن قاراعان ەدى. ال قازىر، قازاقستان سول شارۋانى دەر كەزىندە جۇرگىزگەنىن ۋاقىتتىڭ ءوزى دالەلدەپ وتىر»، - دەدى جانداربەك بەكشين بۇگىن و ك ق- دا وتكەن باسپا ءسوز ءماسليحاتىندا.

باس سانيتارلىق دارىگەر ب ا ق وكىلدەرىمەن بۇل ماسەلە بويىنشا كۇندەلىكتى كەزدەسكەنىن ايتىپ ءوتتى.

«مىنە، سول سەبەپتى ءبىزدىڭ حالىق الدىن الۋ شارالارىنان ەۋروپا ەلدەرىنەن گورى مولىراق حاباردار. مەنىڭ ويىمشا، بۇل - ءبىزدىڭ سىزدەرمەن جۇرگىزگەن جۇمىستارىمىزدىڭ ارقاسى. ءبىزدىڭ حالىق كوروناۆيرۋستان قالاي قورعانۋدى جەكە جانە ۇجىمدىق دەڭگەيدە بىلەدى دەگەن ءسوز. الداعى ۋاقىتتا دا تەك رەسمي اقپاراتتارعا سۇيەنۋدى سۇرايمىن»، - دەدى ول.

ەسكە سالا كەتسەك بۇعان دەيىن ق ر باس سانيتارلىق دارىگەرى كوروناۆيرۋس ورشىگەن ەلدەرگە ساپار شەكپەۋگە كەڭەس بەرگەن بولاتىن.

اۆتور: ايان بەكەن ۇلى

سوڭعى جاڭالىقتار