قازاقستاندا كوروناۆيرۋس تىركەلگەن جوق - مينيسترلىك

نۇر- سۇلتان. قازاقپارات – ق ر دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ «قازاقستاندا كوروناۆيرۋس ينفەكسياسى تىركەلدى» دەگەن سىڭايداعى الىپ- قاشپا اڭگىمەلەرگە سەنبەۋگە شاقىردى، دەپ حابارلايدى قازاقپارات ءتىلشىسى.

«كەيىنگى كەزدە الەۋمەتتىك جەلىلەر مەن WhatsApp مەسسەندجەرىندە كوپتەگەن قاۋەسەت تاراپ ءجۇر. ءبىر وڭىردە نەمەسە قالادا وسىنداي ناۋقاس ادامدى اۋرۋحاناعا جاتقىزىپتى دەگەن اقپارات كوپ. ونداي قاۋەسەتكە سەنبەڭىزدەر. بىزدە تاۋلىگىنە 24 ساعات، اپتاسىنا 7 كۇن ورتالىق جەدەل شتاب قىزمەت ەتەدى. سول سەبەپتى ۇرەي تۋعىزباس ءۇشىن ءبىزدىڭ باسپا ءسوز ورتالىعىنا حابارلاسۋعا بولادى»، - دەدى ول بۇگىن و ك ق- دا وتكەن باسپا ءسوز ءماسليحاتىندا.

وسى رەتتە دياس احمەتشارىپ شىندىققا جاناسپايتىن اقپارات تاراتۋ - اكىمشىلىك جاۋاپكەرشىلىككە الىپ كەلەتىنىن ەسكەرتتى.

«سوندىقتان ءبىز ورتالىق جەدەل شتاب ارقىلى بارلىق رەسمي اقپاراتتى تاراتىپ وتىرامىز. ناۋقاس بىزدە جوق (كوروناۆيرۋس جۇقتىرعان). باس دارىگەردىڭ قاۋلىسى بويىنشا قىتايدا 6-20 - اقپان ارالىعىندا بولعان ازاماتتاردىڭ بارلىعى كارانتينگە جاتقىزىلادى. ياعني، الدىن الۋ شارالارىن كۇشەيتىپ وتىرمىز»، - دەدى ول.

اۆتور: ايان بەكەن ۇلى