+7 (701) 759 90 19
-1 °С : نۇر-سۇلتان
4 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

اباي تۋرالى فيلمدەر ناقتىلانۋدا - اقتوتى رايىمقۇلوۆا

24 اقپان 17:07
:ءبولىسۋ
اباي تۋرالى فيلمدەر ناقتىلانۋدا - اقتوتى رايىمقۇلوۆا

نۇر- سۇلتان. قازاقپارات – ق ر مادەنيەت جانە سپورت ءمينيسترى اقتوتى رايىمقۇلوۆا جاقىن ارادا اباي تۋرالى قانداي فيلمدەرگە مەملەكەتتىك قارجىلىق قولداۋ كورسەتىلەتىندىگى تۋرالى ايتتى، دەپ حابارلايدى قازاقپارات ءتىلشىسى.

بۇگىن پارلامەنت ماجىلىسىندەگى ۇكىمەت ساعاتىنان كەيىن تىلشىلەر مينيستردەن اباي تۋرالى كوركەم فيلمدى كىم تۇسىرەتىندىگىن سۇرادى.

«وزدەرىڭىز بىلەسىزدەر، ۇلتتىق كينونى قولداۋ ورتالىعىندا وسى كۇندەرى، ياعني ءبىر اپتا بويى اشىق بايقاۋ ءوتىپ جاتىر. بۇل بايقاۋدىڭ ناتيجەسىندە قانداي كوركەم فيلمدەر، قانداي دەرەكتى فيلمدەر، سونداي- اق قاي نۇسقالار مەن جوبالار قولداۋ تاپقانىن بىلەتىن بولامىز. سونىمەن قاتار، ساراپشىلىق كوميسسيا (27 - اقپان مەن 6 - ناۋرىز ارالىعىندا) قاراۋىندا ۇلكەن ءارى ماڭىزدى سۇراقتار قارالادى» ، - دەدى اقتوتى رايىمقۇلوۆا.

بۇدان بۇرىن حابارلانعانداي، اباي تۋرالى بىرنەشە دەرەكتى فيلم مەن تەلەسەريال تۇسىرىلەتىنى ايتىلعان ەدى. بۇل تۋرالى ەلورداداعى ابايدىڭ 175 جىلدىق مەرەيتويىنىڭ رەسمي اشىلۋىنا ارنالعان سالتاناتتى شارادا ق ر مادەنيەت جانە سپورت ءمينيسترى اقتوتى رايىمقۇلوۆا ءمالىم ەتتى.

ەستەرىڭىزگە سالساق، وسى جىلدىڭ ناۋرىز ايىندا قازاقستان تاۋەلسىزدىك العالى وسى سالادا قابىلدانعان العاشقى زاڭنامالىق قۇجات – ق ر «كينەماتوگرافيا تۋرالى» زاڭعا سايكەس ۇلتتىق كينونى قولداۋ مەملەكەتتىك ورتالىعى قۇرىلدى.

بۇل ۇيىمنىڭ قىزمەتىنىڭ نەگىزگى باعىتى ۇلتتىق كينونى قولداۋ، ونى حالىقارالىق دەڭگەيگە كوتەرۋ جانە الەمدىك نارىققا شىعارۋ، قازاقستان كينووندىرىسىنە ينۆەستيتسيا تارتۋ. اتالعان ورتالىق ارقىلى ۇلتتىق فيلمدەرگە، ۇلتتىق فيلم اتاعىن يەلەنۋگە نيەتتى كينوجوبالارعا مەملەكەت تاراپىنان قارجىلاي قولداۋ كورسەتىلەدى، سونىمەن قاتار كينەماتوگرافيا سالاسىندا سۋبسيديا بەرىلەدى.



باستى سوزدەر: ابايدىڭ 175 جىلدىعى,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات