+7 (701) 759 90 19
5 °С : نۇر-سۇلتان
6 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

قازاقستان وزبەكستانعا قانداي تاۋارلار ەكسپورتتايدى

24 اقپان 16:06
:ءبولىسۋ
قازاقستان وزبەكستانعا قانداي تاۋارلار ەكسپورتتايدى

نۇر- سۇلتان. قازاقپارات - 2019 -جىلدىڭ قاڭتار- جەلتوقسانىندا قازاقستان مەن وزبەكستان اراسىنداعى تاۋار اينالىمى 2,8 ميلليارد دوللاردى قۇرادى، دەپ حابارلايدى قازاقپارات.

ق ر ۇ ە م ستاتيستيكا كوميتەتى مەن قم مەملەكەتتىك كىرىستەر كوميتەتىنىڭ رەسمي دەرەكتەرىنە سايكەس، تاۋار اينالىمىنداعى ەكسپورت ۇلەسى 2 ميلليارد ، يمپورت 771,2 ميلليون دوللاردى بولدى. بۇل رەتتە ەكى ەلدىڭ اراسىنداعى تاۋار اينالىمى 2018 -جىلمەن سالىستىرعاندا 1,5 پايىزعا نەمەسە 42,2 ميلليون دوللارعا تومەندەپ وتىر. 1 جىل ىشىندە ەكسپورت كولەمى 20,9 پايىزعا نەمەسە 341,9 ميلليون دوللارعا، ال يمپورت 33,2 پايىزعا نەمەسە 384,1 ميلليون دوللارعا قۇلدىراعان. دەگەنمەن ساۋدا سالدوسى وڭ ءارى 1,2 ميلليارد دوللاردى قۇرايدى. وتكەن جىلى وزبەكستان قازاقستاننىڭ ساۋدا سەرىكتەستەرى اراسىندا 9-ورىنعا تۇراقتادى.

2019 -جىلدىڭ 12 ايىندا قازاقستاننىڭ وزبەكستانعا ەكسپورتى 20,9 پايىزعا ارتىپ، 2 ميلليارد دوللار بولدى. ونىڭ ىشىندە شيكىزاتتىق ەمەس تاۋارلار ەكسپورتى 82,6 پايىزدى قۇرايدى. اتالعان كەزەڭدە وزبەكستان قازاقستاندىق تاۋارلاردى تۇتىنۋشىلاردىڭ اراسىندا 10-ورىندا تۇر. وزبەك ەلىنە قازاقستاننان نەگىزىنەن استىق، كەن مەن مىس كونسەنتراتى، وڭدەلمەگەن اليۋميني، قوسپاسىز بولات جارتىلاي دايىن ونىمدەرى، ۇن ەكسپورتتالادى.

ال وزبەكستاننان قازاقستانعا وتكەن جىلىدىڭ 12 ايىندا يمپورت كولەمى 33,2 پايىزعا تومەندەپ، 771,2 ميلليون دوللار بولدى. قازاقستانعا تاۋارلار جەتكىزۋشىلەردىڭ اراسىندا وزبەكستان 8-ورىندا تۇر. بۇل ەلدەن قازاقستانعا تابيعي گاز، شابدالى، شيە، ەتيلەن پوليمەرلەرى، ورىك، قارا ورىك، ءجۇزىم سىندى ونىمدەر جەتكىزىلەدى.


باستى سوزدەر: ةكونوميكا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات