+7 (701) 759 90 19
-1 °С : نۇر-سۇلتان
10 °С : الماتى
USD 447.67 EUR 491.36
RUB 5.74 CNY 63.07
جاڭالىقتار

ءجۇز مىڭعا جۋىق كومپانيا ءۇش جىلعا سالىق تولەۋدەن بوساتىلدى

24 اقپان 13:30
:ءبولىسۋ
ءجۇز مىڭعا جۋىق كومپانيا ءۇش جىلعا سالىق تولەۋدەن بوساتىلدى

نۇر-سۇلتان. قازاقپارات - ءجۇز مىڭعا جۋىق كومپانيا تابىس سالىعىن ءۇش جىل ىشىندە تولەمەيدى.

اتالعان وزگەرىستەر 1-قاڭتاردان باستاپ كۇشىنە ەندى، دەپ حابارلايدى «24.kz» ارناسى.

مۇنداي جەڭىلدىكتەر ارنايى سالىق رەجيمىندە جۇمىس ىستەيتىن ميكرو جانە شاعىن بيزنەس كاسىپكەرلەرىنە بەرىلەدى.

12 جىل بويى جۇك تاسىمالداۋ سالاسىندا جۇمىس ىستەپ كەلە جاتقان ايجان جاقابايەۆا كومپانياسى دا سالىقتان بوساتىلعانداردىڭ قاتارىنا كىرگەن. 11 ادامدى جۇمىسپەن قامتىپ وتىرعان جەكە كاسىپكەر سالىقتى ۇنەمى ۋاقىتىندا تولەيتىنىن ايتتى.

«قازىر، 2020 -جىلدان باستاپ، پرەزيدەنتتىڭ بۇيرىعىمەن ءبىز ءبىر جىلعا دەيىن جتس، الەۋمەتتىك سالىقتان بوساتىلدىق. ەسەپ بويىنشا، ءۇش جىلعا موراتوريي جاريالاندى. بۇل بىزگە وسى اقشانى بيزنەسىمىزگە سالۋعا جانە ودان ءارى دامۋعا، وسۋگە كومەكتەسەدى. بۇل ءبىز ءۇشىن وتە ۇلكەن پليۋس. ەندى ءبىز باسقا شىعىندارىمىزدى جاۋىپ، بولاشاقتا ودان ءارى وسە الامىز»، - دەدى ايجان.

مامانداردىڭ ەسەپتەۋىنشە، ءۇش جىل ىشىندە شاعىن كاسىپكەرلىك سۋبەكتىلەرى ءۇشىن سالىقتىق دەمالىستارعا بايلانىستى شامامەن 350-360 ميلليارد تەڭگە مەملەكەت قازىناسىنا تۇسپەيدى.

«ءبىزدىڭ مىندەتىمىز - سالىق تولەۋشىلەرىمىزدىڭ ءوسىپ، ورتا، ءىرى كومپانيالارمەن ءبىر قاتارعا تۇرۋى. بۇل موراتوري ءدال وسى ءۇشىن قولدانىلادى. ءبىز رەتتەگىش رەتىندە وسى كەزەڭدە ءوزىمىز ارنايى ءتارتىپتى جەتىلدىرەمىز، اقپاراتتىق جۇيەلەردى جەتىلدىرەمىز. ءبىزدىڭ مىندەتىمىز - ميكرو بيزنەس پەن شاعىن بيزنەس ءبىزدىڭ مەملەكەتتىك ورگاندارمەن، ياعني سالىق قىزمەتتەرىمەن ءىس جۇزىندە كەزدەسپەۋى»، - دەدى ق ر مەملەكەتتىك كىرىستەر كوميتەتىنىڭ ءتوراعاسى مارات سۇلتانعازيەۆ.

الايدا، سالىق تولەمدەرىنەن ءبارى بوساتىلمايدى. جەڭىلدىكتەر بانكتىك جانە كۇزەت قىزمەتىنە، اۋديتكە، لوتەرەيالار وتكىزۋگە قاتىستى ەمەس. بۇل باعدارلاماعا سىرتقى ساۋدامەن اينالىساتىندار دا ەنبەگەن.

سونىمەن قاتار، مارات سۇلتانعازيەۆتىڭ ايتۋىنشا، ءۇش جىلدىق كەزەڭگە تەكسەرۋلەر بويىنشا موراتوريي قولدانىلادى.

«ءبىز مەملەكەتتىك ورگان رەتىندە كوشپەلى تەكسەرۋلەردى قىسقارتامىز، ەڭ الدىمەن، قاشىقتىقتان باقىلاۋعا كوشەمىز. تيىسىنشە، قازىر قاشىقتىقتان باقىلاۋدىڭ ناتيجەلەرى كوشپەلى تەكسەرۋلەردەن الدەقايدا جوعارى»، - دەدى ول.

ايتا كەتەيىك، بۇل شارالار شاعىن بيزنەستى دامىتۋعا سەرپىن بەرىپ قانا قويماي، سونىمەن قاتار ونى ءالى كۇنگە دەيىن شەشپەگەن ادامدارعا ءوز ءىسىن باستاۋعا مۇمكىندىك بەرەدى.


باستى سوزدەر: قوعام, ةكونوميكا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات