+7 (701) 759 90 19
1 °С : نۇر-سۇلتان
12 °С : الماتى
USD 447.67 EUR 491.36
RUB 5.74 CNY 63.07
جاڭالىقتار

زەينەتاقى قورىندا جينالعان قاراجات تۋرالى مالىمەتتى قايدان بىلۋگە بولادى؟

24 اقپان 11:58
:ءبولىسۋ
زەينەتاقى قورىندا جينالعان قاراجات تۋرالى مالىمەتتى قايدان بىلۋگە بولادى؟

نۇر-سۇلتان. قازاقپارات - التى ميلليوننان استام سالىمشى زەينەتاقى قورىندا جينالعان اقشاسى تۋرالى مالىمەتتى ونلاين الىپ ءجۇر، دەپ حابارلايدى قازاقپارات قوردىڭ باسپا ءسوز قىزمەتىنە سىلتەمە جاساپ.

زەينەتاقى شوتىنان ءۇزىندى كوشىرمە الۋ -ءبىرىڭعاي جيناقتاۋشى زەينەتاقى قورىنىڭ سالىمشىلارى اراسىنداعى ەڭ تانىمال قىزمەت. وتكەن جىلى بۇل قىزمەت 14 ميلليوننان استام مارتە پايدالانىلعان.

«ب ج ز ق سالىمشىلارى جەكە زەينەتاقى شوتىنان ءۇزىندى كوشىرمەنى شوت اشىلعان كۇننەن باستاپ كەز كەلگەن كۇنى تەگىن الۋعا قۇقىلى. بۇل - زاڭ جۇزىندە بەكىتىلگەن قۇقىق. بۇگىندە سالىمشىلار مەن الۋشىلار زەينەتاقى جيناعىنىڭ جاي-كۇيى تۋرالى اقپاراتتى قور كەڭسەسىنە تىكەلەي كەلۋ، پوشتا بايلانىسى، ەلەكتروندىق تاسىلدەر، ب ج ز ق- عا ۇسىنىلعان ەلەكتروندىق پوشتا جانە ينتەرنەت بايلانىسى، ەلەكتروندى ۇكىمەت پورتالىنداعى جەكە كابينەت ارقىلى بىلە الادى» دەلىنگەن حابارلامادا.

ەڭ ىڭعايلى جانە جىلدام ءتاسىل - ءۇزىندى كوشىرمەنى ب ج ز ق سايتى نەمەسە ەلەكتروندى ۇكىمەت پورتالىنىڭ جەكە كابينەتى ارقىلى الۋ. سونىمەن قاتار ب ج ز ق- نىڭ سمارتفون نەمەسە پلانشەتتەرگە ارنالعان جاڭارتىلعان ءموبيلدى قوسىمشاسىن پايدالانۋعا بولادى.

«بۇگىندە 5,6 ميلليون ادام زەينەتاقى جيناعىنىڭ جاي-كۇيى تۋرالى اقپاراتتى جەكە كابينەت ارقىلى العان. ءبىر جىل ىشىندە ينتەرنەت بايلانىسى ءتاسىلىن تاڭداعاندار سانى 500 مىڭعا جۋىق ادامعا كوبەيدى. 860 مىڭ ادام ءۇزىندى كوشىرمەنى ەلەكتروندىق پوشتا ارقىلى الادى. زەينەتاقى جيناعىنىڭ جاي- كۇيى تۋرالى اقپاراتتى بجزق فيليالىنا كەلىپ الۋ - تانىمالدىعى جاعىنان ەكىنشى ورىندا. بۇل ءتاسىلدى شامامەن ەكى ميلليونعا جۋىق ادام تاڭداعان. ب ج ز ق- دان اقپاراتتى پوشتا بايلانىسى ارقىلى الۋشىلار سانى بىرتىندەپ ازايۋدا. بۇل جاعدايدا ىشىنە ءۇزىندى كوشىرمە سالىنعان حات ولارعا جىلىنا ءبىر رەت جىبەرىلەدى. قازىرگى ۋاقىتتا بۇل ءتاسىلدى تاڭداعاندار سانى - 1,3 ميلليون ادام. بۇل بۇرناعى جىلمەن سالىستىرعاندا 11,5 پايىزعا تومەن» دەپ ءمالىم ەتتى ب ج ز ق باسپا ءسوز قىزمەتى.

ايتا كەتەيىك، سالىمشى مەكەنجايىن اۋىستىرعان جاعدايدا قورعا حابارلاۋعا مىندەتتى. ەگەر حابارلاماسا، ب ج ز ق كەلەسى جىلى ءۇزىندى كوشىرمە سالىنعان حاتتى وعان جىبەرمەۋگە قۇقىلى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات