+7 (701) 759 90 19
5 °С : نۇر-سۇلتان
6 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

يتاليادا كوروناۆيرۋستان ەكىنشى ادام قايتىس بولدى

24 اقپان 11:31
:ءبولىسۋ
يتاليادا كوروناۆيرۋستان ەكىنشى ادام قايتىس بولدى

ريم. قازاقپارات - يتاليا تۇبەگىندە كوروناۆيرۋستان ەكى ادام قايتىس بولدى، دەپ حابارلايدى قازاقپارات Deutsche Welle-گە سىلتەمە جاساپ.

كوپتەگەن قالالار ۆيرۋستىڭ تارالۋىنىڭ الدىن الۋ ءۇشىن شۇعىل شارالار قابىلدادى. قازىرگى ۋاقىتتا 80 ادام اۋرۋعا شالدىققان. سەنبى كۇنى يتاليا ۇكىمەتى ەكى ازامات قايتىس بولعاننان كەيىن كوروناۆيرۋسپەن كۇرەس بويىنشا «توتەنشە شارالار» قاراستىراتىنىن مالىمدەپ، ەلدىڭ سولتۇستىك ايماعىنىڭ تۇرعىندارىنا ءوز ۇيلەرىنەن شىقپاۋعا كەڭەس بەردى.

75 جاستاعى ايەل كورشى ۆەنەتو وڭىرىندە 78 جاستاعى ەر ادام قايتىس بولعاننان كەيىن ءبىر كۇن وتكەن سوڭ لومباردياداعى كودونو قالاسىنا جاقىن ماڭدا ومىردەن ءوتتى. دەنساۋلىق ساقتاۋ ورگاندارى COVID-19 ۆيرۋسىن العاش رەت جۇقتىرعان 38 جاستاعى يتاليالىق ەكەنىن راستادى. ول 21 - قاڭتاردا قىتايدان كەلگەن ازاماتپەن بايلانىستا بولعان. قازىرگى تاڭدا ول اۋرۋحانادا جاتىر جانە جاعدايى اۋىر. ونىڭ جۇبايى مەن دوسىنان دا كوروناۆيرۋس تابىلدى. سونداي-اق، ناۋقاستىڭ ۇيىنە بارعان دارىگەر دە، ونىمەن بىرگە كازالپۋستەرلەنگو قالاسىنداعى Unilever زەرتتەۋ جانە ءوندىرۋ بولىمىندە جۇمىس ىستەگەن 120 ادام دا تەكسەرۋدەن وتكەن. كودونوداعى اۋرۋحاناعا تۇماۋ بەلگىلەرىمەن كەلگەن ءۇش ناۋقاس تا، بەس مەدبيكە مەن دارىگەرلەر دە اۋرۋ جۇقتىرعان. ءبىر ءدامحاناعا بارعان ءۇش ادامنان دا اۋرۋ بەلگىلەرى شىققان.

سپورت مينيسترلىگى بارلىق سپورتتىق شارالاردى، سونىڭ ىشىندە جەكسەنبى كۇنگە جوسپارلانعان ا سەرياسىنداعى فۋتبول ماتچىن دا توقتاتتى. كودونو مەرى بارلىق مەيرامحانالاردى، مەكتەپتەر مەن ادامدار ءجيى شوعىرلاناتىن ورىنداردى، تۇنگى كلۋبتار مەن سپورت زالدارىن جابۋ تۋرالى بۇيرىق بەردى.

ەسكە سالايىق، بۇدان بۇرىن يتاليا كوروناۆيرۋستان ءبىر ادامنىڭ قايتىس بولعانىن راستادى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات