جاركەنتتە كوروناۆيرۋسقا بايلانىستى دايىندالعان ورىندار اۋىساتىن بولدى - اكىمدىك

None
None
تالدىقورعان. قازاقپارات - الماتى وبلىسى پانفيلوۆ اۋدانىنداعى جاركەنت قالاسىندا كوروناۆيرۋسقا بايلانىستى دايىندالعان جاتاحانالارداعى ورىندار باسقا جەرگە اۋىستىرىلادى، دەپ حابارلايدى قازاقپارات ءتىلشىسى.

«قىتاي حالىق رەسپۋبليكاسىندا كوروناۆيرۋستىق ينفەكتسيانىڭ جاڭا ءتۇرىنىڭ باستالۋى جانە ينفەكتسيانىڭ اكەلىنۋى مەن تارالۋىن بولدىرماۋ نەگىزىندە، قازاقستان رەسپۋبليكاسىنىڭ حالىقتىڭ سانيتارلىق-ەپيدەميولوگيالىق سالاۋاتتىلىعىن قامتاماسىز ەتۋ ماقساتىندا، قازاقستان رەسپۋبليكاسى باس مەملەكەتتىك سانيتارىنىڭ شەشىمىنە سايكەس 2020-جىلدىڭ 20 - اقپاننان باستاپ قىتاي حالىق رەسپۋبليكاسىنان كەلگەن ادامدار 14 كۇن بويى ارنايى ستاتسيوناردا وقشاۋلانادى.

وسىعان قاراي جاركەنت قالاسىندا ارنايى 100 ورىن دايىندالۋدا. بۇعان دەيىن جاركەنت گۋمانيتارلىق جوعارى كوللەدجى مەن جاركەنت كوپ سالالى كوللەدجدەرىنىڭ جاتاقحانالارىندا قاراستىرىرىلعان ورىندار باسقا جەرگە اۋىستىرىلاتىن بولادى. اتالعان ورىندار وقۋ ورىندارىنان باسقا تۇرعىندارمەن قارىم-قاتىناستا بولمايتىن جەردە قاراستىرىلادى»، - دەلىنگەن پانفيلوۆ اۋدانىنىڭ اكىمدىگىنىڭ رەسمي تاراتقان حابارلاماسىندا.

ۆەدومستۆونىڭ باسپا ءسوز قىزمەتىنىڭ مالىمەتىنشە، جاڭا ورىندار بارلىق سانيتارلىق تالاپقا ساي بولادى.

«وسىعان قاراي تۇرعىنداردىڭ الاڭداۋىنا نەگىز جوق. بۇل الدىن الا اتقارىلىپ جاتقان تۇرعىنداردىڭ دەنساۋلىعى ءۇشىن جاسالىپ جاتقان ارەكەت. ويتكەنى بۇل ۆيرۋستى جۇقتىرعان ادامنان بىردەن ەشقانداي سىرقات بەلگىلەرى بايقالماۋى مۇمكىن. كوروناۆيرۋستىڭ اعزاداعى جاسىرىن كەزەڭى 14 كۇننەن 24 كۇنگە دەيىن سوزىلۋ فاكتىسى انىقتالعان. سوندىقتان تۇرعىنداردىڭ الاڭداۋىنا نەگىز جوق جانە جالعان اقپاراتتارعا سەنبەۋلەرىڭىزدى سۇرايمىز»، - دەلىنگەن پانفيلوۆ اۋدانى اكىمىنىڭ باسپا ءسوز قىزمەتى تاراتقان حابارلامادا.

سوڭعى جاڭالىقتار