+7 (701) 759 90 19
6 °С : نۇر-سۇلتان
11 °С : الماتى
USD 447.67 EUR 491.36
RUB 5.74 CNY 63.07
جاڭالىقتار

قىتايدا كوروناۆيرۋس جۇقتىرۋ ازايىپ جاتىر - الەمدىك باسپا سوزگە شولۋ

24 اقپان 10:15
:ءبولىسۋ
قىتايدا كوروناۆيرۋس جۇقتىرۋ ازايىپ جاتىر - الەمدىك باسپا سوزگە شولۋ

نۇر-سۇلتان. قازاقپارات - «قازاقپارات» ح ا ا ادەتتەگىدەي نازارلارىڭىزعا الەمدىك باسپا سوزگە شولۋىن ۇسىنادى.

كوفە پايدالى ما؟ - The New York Times

كوفەنى سۇيەتىن ادامدار قاتارى كۇن ساناپ ارتۋدا. دەگەنمەن، ونى بەلگىلى ءبىر مولشەردەن اسىرسا، ادام اشۋلى بولىپ قانا قويماي، دەنساۋلىعى دا كەرى كەتەدى، دەپ جازادى The New York Times.

باسىلىمنىڭ جازۋىنشا، كوفەنى كۇنىنە 3-5 كەسە ءىشۋ كەرەك. بۇل شامامەن كوفەيننىڭ 400 ميلليگرامىن قۇرايدى. بۇل جاعدايدا كوفە ادامدارعا پايدالى.

«عالىمدار زەرتتەۋ ناتيجەسىندە كوفە ءولىم ءقاۋپىن ازايتاتىنىن انىقتادى»، - دەيدى ۇلتتىق راك ينستيتۋتىنىڭ عىلىمي قىزمەتكەرى ەريككا لوفتفيلد.

ونىڭ ايتۋىنشا، جاقىندا كوفە بەلگىلى ءبىر مولشەردە دۇرىس تاماقتانۋدىڭ ەلەمەنتى رەتىندە تانىلعان.

«2017-جىلعى ۇلكەن زەرتتەۋ ناتيجەسىندە دە بريتان مەديتسينا جۋرنالىندا جاريالانعان باياندامادا كوفە كوپ جاعدايدا پايدالى ەكەنىن كورسەتكەن. بۇعان دەيىن جۇرگىزىلگەن 200 دەن استام زەرتتەۋلەردى سارالاعان اۆتورلار كوفە جۇرەك قانتامىر اۋرۋلارى، ينسۋلت پەن ەرتە ءولىم ءقاۋپىن ازايتاتىنىن انىقتادى»، دەپ جازادى اۆتور.

ونىڭ ايتۋىنشا، كوفەنىڭ جۇكتى ايەلدەرگە قالاي اسەر ەتەتىنى بەلگىسىز.

دەگەنمەن، امەريكا مەديتسينا اسسوتسياتسياسى جۇرگىزگەن زەرتتەۋگە جارتى ميلليونعا جۋىق ادام قاتىسىپ، ولاردىڭ اراسىندا ءبىر نەمەسە سەگىز كەسە كوفە ىشكەندەردىڭ دەنساۋلىعىنىڭ اراسىندا ەشقانداي ايىرماشىلىق تاپپاعان.

ءبىر اپتا فاست-فۋد جەۋ ەستە ساقتاۋ قابىلەتىنە كەرى اسەر ەتەدى - Daily Mail

«ءبىر اپتا فاست-فۋدپەن تاماقتانۋ ميدىڭ بىرنەشە بولىگىن زاقىمدايدى. عالىمداردىڭ زەرتتەۋىنە قاتىسقاندار كوگنيتيۆتى تەستتە ناشار ناتيجە كورسەتكەن. بۇل گيپپوكامپ دەپ اتالاتىن مي بولىگىنە زاقىم كەلگەنىن دالەلدەيدى»، - دەپ جازادى Daily Mail.

باسىلىمنىڭ جازۋىنشا، گيپپوكامپ ادام تويعان كەزدە، تاماق ءىشۋدى دوعارۋىنا جاۋاپ بەرەدى. سونىمەن قاتار ميدىڭ بۇل بولىگى ەستە ساقتاۋ قابىلەتىنە دە اسەر ەتەدى.

«زەرتەتۋشىلەردىڭ ايتۋىنشا، ميدىڭ بۇل بولىگى زاقىمدانسا، ادام الدىنا كەلگەن تاماقتان باس تارتا المايتىن بولادى. بۇل زەرتتەۋ ادامداردىڭ قارنى اش بولماسا دا، نە سەبەپتى تاماق ىشەتىندەرىنە قاتىستى سۇراققا جاۋاپ بەرەدى»، دەپ جازادى باسىلىم.

اۆتوردىڭ ايتۋىنشا، زەرتتەۋگە 110 ستۋدەنت قاتىسقان. ولاردىڭ جارتىسى فاست-فۋد جەسە، قالعاندارى مايى از تاماق تۇتىنعان. زەرتتەۋ تۋرالى بايانداما Open Science جۋرنالىندا جاريالانعان.

ەرەجەسىز الەمدە ءومىر سۇرە الامىز با ؟ - BBC

ادامداردىڭ كوبى ەرەجەسىز ءومىر سۇرگىسى كەلەدى. ەرەجەسى جوق ءومىردى ارماندايدى. اسىرەسە، جول ەرەجەسى عانا ەمەس، ءۇي الۋ نەمەسە وتباسىن قۇرۋ سەكىلدى شارتتىلىقتار دا شارشاتىپ جاتادى، دەپ جازادى BBC .

«بىزگە بۇل ەرەجەلەر كەرەك پە؟ ءبىز نەگە ولاردى ۇستانۋ كەرەكپىز؟»، دەپ جازادى اۆتور.

ونىڭ ايتۋىنشا، جازىلعان جانە جازىلماعان ەرەجە ءومىر تاجىريبەسىنە اينالعان. كوپشىلىك ەرەجە ادامنىڭ تاۋەلسىزدىگىن شەكتەپ، «ەرەجە بۇزىلۋ ءۇشىن جاسالعان» دەپ جاتادى.

«الدىمەن ەرەجەسىز ءومىردى ەلەستەتىپ كورىڭىزشى. ءتىپتى، ويىمدى جەتكىزەتىن تىلدىك ەرەجەلەرسىز ءومىرىمىز قانداي بولار ەدى؟ ءتىل ەرەجەسىنىڭ بۇزىلۋى مەنى ءتىلسىز قالدىرادى. ەرەجە سپورتتا دا، ويىنداردا دا بار. مىسالى، ەرەجەسى بولماسا، شاحمات شاحمات بولماس ەدى»، - دەپ جازادى اۆتور.

ونىڭ ايتۋىنشا، جول ەرەجەلەرى مەن اينالاعا قوقىس تاستاماۋ تۋرالى ەرەجە قوعامداعى گارمونيانى قامتاماسىز ەتەدى.

«2009-جىلى نوبەل سىيلىعىن العان ساياسي ەكونوميست ەلينور وستردىڭ ايتۋىنشا، ەرەجە ۇجىمدىق سيپاتتان تۋىندايدى. ياعني، ەرەجە الەۋمەتتىك جانە ەكونوميكالىق قارىم-قاتىناستان تۋىندايدى»، دەپ جازادى اۆتور.

ونىڭ ايتۋىنشا، الەۋمەتتانۋشىلار ەرەجەنى ۇستانۋ الەۋمەتتىك جانە ەكونوميكالىق ءومىردىڭ نەگىزى ەكەنىن ايتادى.

قىتايدىڭ 21 اۋدانىندا ءبىر تاۋلىكتە ءبىر دە ءبىر كوروناۆيرۋس جاعدايى انىقتالمادى - The Diplomat

قىتايدا حۋبەي پروۆينتسياسىنان باسقا جەرلەردە كوروناۆيرۋس جۇقتىرعانداردىڭ سانى ازايىپ جاتىر. وتكەن تاۋلىكتە حۋبەيدەن باسقا جەرلەردە تەك 18 جاڭا فاكتى تىركەلسە، ق ح ر- ءدىڭ 21 اۋدانى كوروناۆيرۋس تىركەلمەگەنىن مالىمدەدى، دەپ جازادى The Diplomat.

دەنساۋلىق ساقتاۋ كوميتەتىنىڭ مالىمەتىنشە، 22 - اقپاندا تىركەلگەن 648 جاعدايدىڭ 630 ى حۋبەي پروۆينتسياسىندا انىقتالعان.

«30 - قاڭتاردان باستاپ بىرنەشە اۋداندا كوروناۆيرۋس تىركەلمەدى. العاشقىلاردىڭ ءبىرى بولىپ تيبەت اۆتونومدى اۋدانى كوروناۆيرۋستىڭ جاڭا فاكتىسى تىركەلمەگەنىن مالىمدەدى. ودان كەيىن شينحاي پروۆينتسياسىندا 17 كۇن بويى وسىنداي جاعداي ساقتالىپ تۇر. سوڭعى تاۋلىكتە 21 اۋداندا كوروناۆيرۋستىڭ جاڭا فاكتىسى تىركەلمەگەن»، - دەپ جازادى باسىلىم.

اۆتور: ايكۇمىس بولاتبەك



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات