ۆەنەتسيادا كوروناۆيرۋسقا بايلانىستى ءداستۇرلى كارناۆالدى توقتاتتى

None
None
ريم. قازاقپارات - يتاليانىڭ ۆەنەتو اۋدانىندا ۆەنەتسيا كارناۆالىن وتكىزۋگە تىيىم سالدى، دەپ حابارلايدى قازاقپارات carnevale.venezia.it سايتىنا سىلتەمە جاساپ.

شارانىڭ توقتالۋىنا كوروناۆيرۋستىڭ تارالىپ كەتۋى ءقاۋپى سەبەپ بولعان.

«ۆەنەتسيا كارناۆالىنىڭ كوپشىلىككە ارنالعان ءىس- شارالارىن بارلىق قۇزىرلى ورگاندارمەن كەلىسە وتىرىپ، ەكى كۇن بۇرىن توقتاتىلدى»، دەلىنگەن ۇيىمداستىرۋشىلار تاراتقان حابارلامادا.

23-اقپان كۇنگى مالىمەت بويىنشا، يتاليانىڭ لومبارديا جانە ۆەنەتو پروۆينسيالارىنداعى 12 قالاعا كوروناۆيرۋسقا بايلانىستى كارانتين ەنگىزىلدى، ەلدىمەكەندەردەگى 50 مىڭعا جۋىق تۇرعىن ۇيدە قالۋعا ءماجبۇر.

ەسكە سالا كەتسەك، يتاليادا كوروناۆيرۋستان ءۇشىنشى ادام قايتىس بولدى. قازىرگى ۋاقىتتا 150 ادام اۋرۋعا شالدىققان. سەنبى كۇنى يتاليا ۇكىمەتى ەكى ازامات قايتىس بولعاننان كەيىن كوروناۆيرۋسپەن كۇرەس بويىنشا «توتەنشە شارالار» قاراستىراتىنىن مالىمدەپ، ەلدىڭ سولتۇستىك ايماعىنىڭ تۇرعىندارىنا ءوز ۇيلەرىنەن شىقپاۋعا كەڭەس بەردى.

سونىمەن قاتار، ميلانداعى «لا سكالا» تەاترى جەكسەنبى كۇنى كوروناۆيرۋس ينفەكسياسىنا بايلانىستى ساقتىق ءۇشىن جۇمىسىن توقتاتقانىن ءمالىم ەتتى. بۇل تۋرالى اقپارات تەاتردىڭ Facebook-تەگى پاراقشاسىندا جاريالاندى.


سوڭعى جاڭالىقتار