قازاقپارات كۇنتىزبەسى. تورعاي دالاسىندا اتاقتى دوعال شايقاسى بولدى
ەستە قالار وقيعالار
1917 -جىلى تورعاي دالاسىندا اتاقتى دوعال شايقاسى بولدى. بۇل - امانگەلدى يمانوۆ باستاعان ۇلت-ازاتتىق قوزعالىسىنداعى ەڭ ءىرى شايقاس سانالادى. شايقاستا امانگەلدىمەن قاتار، ونىڭ جاۋىنگەر سەرىكتەرى ىبىراي اتامبەكوۆ، كەيكى كوكىموۆ ەرەكشە ەرلىك كورسەتتى.
1992 -جىلى قازاقستان رەسپۋبليكاسى مينيسترلەر كابينەتى قازاق مەملەكەتتىك بالالار جانە جاسوسپىرىمدەر تەاترىنا قازاقستاننىڭ حالىق جازۋشىسى، قازاقستان عىلىم اكادەمياسىنىڭ اكادەميگى عابيت مۇسىرەپوۆتىڭ ەسىمىن بەرۋ تۋرالى شەشىم قابىلدادى.
1992 -جىلى «قازاق كينو» مەملەكەتتىك كونسەرنى قۇرىلدى. وراز رىمجانوۆ كونسەرننىڭ باسقارما ءتوراعاسى بولىپ سايلاندى.
2011 -جىلى قازاقستاننىڭ ەۋروپاداعى قاۋىپسىزدىك جانە ىنتىماقتاستىق ۇيىمىنا ءتوراعالىعىنىڭ قورىتىندىسىنا ارنالعان بايانداما جاريالاندى. وندا امەريكالىق عالىمداردىڭ پىكىرى جازىلدى.
2012 -جىلى استانادا قازاقستاننىڭ قىسقى ارنايى وليمپياداسى (Special Olympics) باستالدى. وعان ق ر، اۆستريا، رەسەي جانە وزبەكستاننىڭ 320 مۇمكىندىگى شەكتەۋلى سپورتشىسى قاتىستى. اشىلۋ سالتاناتى «الاۋ» مۇز ايدىنى سارايىندا ءوتتى.
2014 -جىلى ت م د-عا قاتىسۋشى مەملەكەتتەردىڭ پارلامەنتارالىق اسسامبلەياسى جاريالاعان تۋريزم جىلى اياسىندا دوستاستىق ەلدەرىنىڭ ەڭ كورىكتى جەرلەرىنىڭ ءتىزىمى جارىق كوردى.
«دوستاستىق ىنجۋلەرى» تىزىمىنە استاناداعى دوڭگەلەك الاڭ (قازاقستان)، باكۋدەگى تەڭىز جاعالاۋى جەلەگى (ءازىربايجان)، حور ۆيراپ موناسترى (ارمەنيا)، برەست قورعانى (بەلارۋس)، ىستىقكول كولى (قىرعىزستان)، ەسكى ورحەي قورىعى (مولدوۆا)، پەتەرگوف ساراي- ساياباق انسامبلى مەن سوچي قالاسى (رەسەي)، فان تاۋلارى (تاجىكستان)، اشحاباد (تۇركىمەنستان) جانە سامارقانداعى گۋر-ءامىر (وزبەكستان) كىرگەن.
2016 -جىلى BBC-2 تەلەارناسىنىڭ Top Gear مەتت تانىمال باعدارلاماسىنىڭ جاڭا جۇرگىزۋشىلەرى لەبلان مەن كريس ەۆانس قازاقستاندى اۆتواۋەسقويلار ءۇشىن باعدارلاما ەپيزودى تۇسىرەتىن ورىندار تىزىمىنە قوستى.
2017 -جىلى الەمدەگى ەڭ يننوۆاتسيالىق قالالار («Innovation Cities «) تىزىمىندە الماتى «ەmergina Markets» (دامۋشى نارىقتار) اتالىمى بويىنشا رەيتينگتە 15-ورىننان كورىندى.
2019 -جىلى الماتىلىق باعدارلاماشى ەلنۇر سەيىتجانوۆ ەڭبەك نارىعىنا جاس مامانداردى دايارلايتىن «Decode « العاشقى IT- مەكتەبىن اشتى.
«Decode « باعدارلامالاۋ كۋرستارىنىڭ نەگىزگى باعىتى - React, Redux, NodeJS، Python جانە بازالىق قاجەتتى HTML، CSS سەكىلدى جاڭا جانە سۇرانىسقا يە تەحنولوگيالار مەن تىلدەردە Web-ازىرلەۋشىلەردى دايارلاۋ.