فۋتبول: «استانا» «ارسەنالمەن» تەڭ ءتۇستى

نۇر-سۇلتان. قازاقپارات - بۇگىن ەلوردالىق «استانا» تۇركياداعى وقۋ-جاتتىعۋ جيىنى بارىسىندا رەسەيدىڭ «ارسەنال» (تۋلا) كومانداسىمەن جولداستىق كەزدەسۋ وتكىزدى، دەپ حابارلايدى قازاقپارات ءتىلشىسى.

ويىن 1:1 ەسەبىمەن اياقتالدى. كەزدەسۋدىڭ جەتىنشى مينۋتىندا «استانا» ساپىنا جاقىندا قوسىلعان كيپرلىك فۋتبولشى پيەروس يسلانديالىق جارتىلاي قورعاۋشى رۋنار مار سيگۋرونسسونعا ادەمى پاس شىعارىپ بەردى. وعان رەسەيلىك كوماندا 28-مينۋتتا جاۋاپ گولىن سوعىپ كەتتى.

«ارسەنال» كلۋبى ءقازىر رەسەي پرەمەر- ليگاسىندا قىسقى ۇزىلىستەن كەيىن 19 ويىندا 25 ۇپاي جيناپ، تۋرنير كەستەسىندە التىنشى ورىندا كەلەدى. ال «استانا» 29-اقپاندا قوستاناي قالاسىندا قازاقستان سۋپەركۋبوگىندا قىزىلوردانىڭ «قايسار» كومانداسىمەن كەزدەسەدى.

بۇدان بۇرىن «قايرات» رەسەيدىڭ «رۋبين» كلۋبىنان باسىم تۇسكەنىن حابارلاعان ەدىك.