وڭتۇستىك كورەيادا كوروناۆيرۋستان ءتورتىنشى ادام قايتىس بولدى
وسىلايشا، دياگنوزى راستالعان ادامدار سانى 556 عا جەتتى، دەپ حابارلايدى قازاقپارات YONHAP NEWS AGENCY- گە سىلتەمە جاساپ.
ءتورت ادامنىڭ ۇشەۋى وڭتۇستىك-شىعىستاعى چحوندو قالاسىندا داەنام اۋرۋحاناسىندا بولعان. سول جەردە ۆيرۋستان العاش رەت قايتىس بولعان ادام تىركەلدى. كەيىنىرەك 110 ادامنىڭ اۋرۋ جۇقتىرعانى، سونىڭ ىشىندە توعىز ادامنىڭ مەديتسينا قىزمەتكەرى بولعانى انىقتالدى.
كورەيانىڭ اۋرۋدى باقىلاۋ جانە الدىن الۋ ورتالىعىنىڭ (KCDC) مالىمەتىنشە، 123 ادامنىڭ 75 ءى وڭتۇستىك- شىعىستاعى تەگۋ قالاسىندا سينچحوندجي شىركەۋىندەگى ءدىندار ادامدارمەن بايلانىستا بولعان.
KCDC سەكتانىڭ 9000 مۇشەسىنىڭ كارانتينگە ورنالاسقانىن ءمالىم ەتتى. جەكسەنبى كۇنى تاڭەرتەڭگى جاعداي بويىنشا، وڭتۇستىك كورەيادا 18 ناۋقاس تولىقتاي ايىققان.
ەسكە سالايىق، جۇما كۇنى وڭتۇستىك كورەيا تەگۋ قالاسى مەن وعان جاقىن ورنالاسقان چحوندو وكرۋگىن «ەرەكشە باقىلاۋ ايماعى» دەپ جاريالادى.