يراننىڭ ءبىرقاتار پروۆينتسياسىندا كوروناۆيرۋس سالدارىنان ساباقتار توقتاتىلدى

تەگەران. يرنا - قازاقپارات - يراننىڭ ءبىرقاتار پروۆينتسياسىنىڭ بيلىگى كوروناۆيرۋس تارالماۋى ءۇشىن ءبىرقاتار وقۋ ورىندارىن جابۋ تۋرالى شەشىم قابىلدادى، دەپ حابارلايدى قازاقپارات ي ر ن ا- عا سىلتەمە جاساپ.

العاش رەت كوروناۆيرۋس تىركەلگەن كۋم پروۆينتسياسىندا ەكى كۇنگە - جەكسەنبى جانە دۇيسەنبى كۇندەرى بارلىق مەكتەپتەر مەن جوعارى وقۋ ورىندارىن جابۋ تۋرالى شەشىم قابىلداندى. سونداي-اق، تەگەران، كەرمانشاح، حامەدان، كازۆين، اردەبيل، مازانداران، البورز جانە گولەستان پروۆينتسيالارى دا وسىنداي ۇيعارىمعا كەلدى. ماركازي جانە گيليان پروۆينتسيالارىندا وقۋ ورىندارىن ءبىر اپتاعا جابۋ تۋرالى شەشىم قابىلداندى.

بۇدان بولەك، كوروناۆيرۋستىڭ تارالۋىنا جول بەرمەۋ جەدەل شتابى ەلدە 10 كۇنگە – 24- اقپاننان 5- ناۋرىزعا دەيىن بارلىق سپورتتىق شارالاردىڭ توقتاتىلعانىن حابارلادى. يراننىڭ مادەنيەت مينيسترلىگى دە 28- اقپانعا دەيىن ەلدە ەشقانداي مادەني باعدارلاما بولمايتىنىن جاريالادى. يراندا جاڭا ءتيپتى كوروناۆيرۋس جۇقتىرعاندار سانى 29 ادامعا جەتتى، التى ادام قايتىس بولدى.