+7 (701) 759 90 19
17 °С : نۇر-سۇلتان
14 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

يتاليادا كوروناۆيرۋستان العاشقى ادام قايتىس بولدى

23 اقپان 16:17
:ءبولىسۋ
يتاليادا كوروناۆيرۋستان العاشقى ادام قايتىس بولدى

ريم. قازاقپارات - كوروناۆيرۋس جۇقتىرعان ەگدە جاستاعى پادۋي ازاماتى قايتىس بولدى، دەپ حابارلايدى قازاقپارات DW- گە سىلتەمە جاساپ.

جاڭا ينفەكتسيا پايدا بولعاننان كەيىن يتاليا بيلىگى مەكتەپتەر، قوعامدىق مەكەمەلەر مەن مەيرامحانالاردى جابۋعا بۇيرىق بەردى.

كوروناۆيرۋس جۇقتىرعان يتاليا تۇرعىنى جۇما كۇنى قازا تاۋىپ، قىتايدا پايدا بولعان جاڭا كوروناۆيرۋستىڭ العاشقى ەۋروپالىق قۇربانى بولدى.

يتاليانىڭ دەنساۋلىق ساقتاۋ ءمينيسترى روبەرتو سپەرانتستىڭ جۇما كۇنگى مالىمدەمەسى بويىنشا، قارت ادام پادۋيا قالاسىنداعى ەمحانادا قايتىس بولعان. ونىڭ ايتۋىنشا، 78 جاستاعى ناۋقاس اۋرۋحانادا 10 كۇن جاتتى.

قۇربان بولعان ازامات ۆەنەتو اۋدانىندا كوروناۆيرۋسقا جاسالعان تەست وڭ ناتيجە كورسەتكەن ەكى ادامنىڭ بىرەۋى.

تاعى 15 ادامنىڭ كوروناۆيرۋس جۇقتىرعانى بەلگىلى بولعاننان كەيىن يتاليانىڭ سولتۇستىگىندەگى 10 قالاداعى مەكتەپتەر، قوعامدىق مەكەمەلەر مەن مەيرامحانالاردى جابۋعا بۇيرىق بەرگەن بولاتىن.

بارلىق جاعداي لومبارديا اۋدانىندا تىركەلدى. وندا 38 جاستاعى ازامات قاڭتاردىڭ سوڭىندا قىتايدان ورالعان اداممەن كەزدەسكەننەن كەيىن ۆيرۋس جۇقتىرعان. ول ەم العان كودونو قالاسىنداعى ەمحانادا بەس دارىگەر، مەدبيكە مەن بىرنەشە ەمدەلۋشى ىندەت جۇقتىردى.

لومبارديا اۋدانىندا ءبىر ءدامحاناعا بارعان تاعى ءۇش ادامنىڭ تەست قورىتىندىسى وڭ ناتيجە كورسەتتى.

يتاليا شەنەۋنىكتەرىنىڭ ايتۋىنشا، جۇزدەگەن ادام وقشاۋلاندىرىلىپ، ۆيرۋسقا تەكسەرىستەن ءوتىپ جاتىر. ىندەت جۇقتىرعان ەر ادامنىڭ 150 دەن استام ارىپتەسى مەن كودونو ەمحاناسىنداعى 70 مەديتسينا قىزمەتكەرى مەديتسينالىق تەكسەرىستەن ءوتىپ جاتقاندار قاتارىندا.

وسىلايشا، يتاليادا قاۋىپتى ۆيرۋس جۇقتىرعانداردىڭ جالپى سانى 17 گە جەتتى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات