ەلوردادا جابىق ساۋدا ورنى قىزمەتكەرلەرى ءۇشىن جاتاقحانا سالىندى

نۇر-سۇلتان. قازاقپارات - بيىل نۇر-سۇلتاندا جابىق ۇلگىدەگى بازار اشىلادى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

ەلوردا اكىمى التاي كولگىنوۆ اۋماعى 18,5 مىڭ شارشى مەتردى قۇرايتىن «وردا» («بيگ شاڭحاي») كوتەرمە-بولشەك ساۋدا بازارىنىڭ قۇرىلىسىمەن تانىستى.

قىزمەتكەرلەرگە جاعداي جاساۋ ءۇشىن جاتاقحانا سالىندى. سونداي-اق الەۋمەتتىك نىساندار سالۋ جوسپارلانىپ وتىر. التاي كولگىنوۆ اشىق بازار فورماتىنان جابىق ۇلگىدەگى بازارلارعا كوشۋ قاجەتتىگىن اتاپ ءوتتى.

بۇل تاۋارلاردىڭ ساپاسى مەن قاۋىپسىزدىگىن جاقسارتاتىنى ءسوزسىز.

«مەملەكەتتىڭ اشىق بازارلاردى زاماناۋي ۇلگىدەگى ساۋدا فورماتتارىنا كوشىرۋ جونىندەگى تاپسىرماسىن جۇزەگە اسىرۋ ءۇشىن بازارلاردى جاڭعىرتۋ، جاڭا ساۋدا نىساندارىن سالۋ بويىنشا جۇمىستار جۇرگىزىلىپ جاتىر. قالادا 26 بازار بار. ونىڭ 14 جابىق، 12 ءسى قۇرامداستىرىلعان. وسى باعىتتاعى جۇمىستاردى بەلسەندى جۇرگىزۋ كەرەك. ءوز تاراپىمىزدان بارىنشا قولداۋ كورسەتەمىز. وتكەن جىلى ەكى جابىق بازاردىڭ قۇرىلىسى اياقتالدى»، - دەدى قالا اكىمى.