ق ر ۇكىمەتى مەن دۇنيەجۇزىلىك بانك تىكەلەي شەتەلدىك ينۆەستيتسيالاردى تارتۋ ماسەلەلەرىن تالقىلادى
«1992-جىلدان بەرى دۇنيەجۇزىلىك بانكپەن بىرلەسىپ ءبىز قارجى، ينفراقۇرىلىم، ەنەرگەتيكا، شاعىن جانە ورتا بيزنەس سالالارىندا جالپى سوماسى $8 ميللياردقا جۋىق بولاتىن 47 جوبانى، سونداي-اق $40 ميلليونعا 250 دەن اسا تەحنيكالىق كومەك جوباسىن ءساتتى ىسكە اسىردىق، بۇل قازاقستاندىقتاردىڭ ءومىر ءسۇرۋ ساپاسىن جاقسارتۋعا، سونداي-اق ق ر جەكەمەنشىك جانە مەملەكەتتىك سەكتورلارىندا جاڭا مۇمكىندىكتەردى اشۋعا ىقپال ەتتى»، - دەدى ا. مامين.
ۇكىمەت باسشىسى 2019-جىلدىڭ قورىتىندىسى بويىنشا ق ر ج ءى و %4,5 عا وسكەنىن اتاپ ءوتتى، تارتىلعان شەتەلدىك ينۆەستيتسيالار كولەمى $25 ميللياردتان استى، ال شەتەلدەرمەن ساۋدا اينالىمى $96 ميللياردقا جەتتى. دۇنيەجۇزىلىك بانكتىڭ «Doing Business» رەيتينگىندە بيزنەستى جۇرگىزۋ جەڭىلدىگى بويىنشا قازاقستان 28- ورىننان 25- ورىنعا كوتەرىلدى.
«ءبىزدىڭ باسىمدىعىمىز - وسى ترەندتى ساقتاۋ جانە كۇشەيتۋ. وسى ماقساتتا ءبىز كۇش-جىگەرىمىزدى شەتەلدىك ينۆەستيتسيالار مەن وزىق تەحنولوگيالاردى تارتۋعا شوعىرلاندىرىلاتىن بولامىز. ءبىزدىڭ ستراتەگيالىق مىندەتىمىز - نەگىزگى كاپيتالعا ينۆەستيتسيالار كولەمىن كەمىندە ج ءى و- گە شاققاندا %30 عا دەيىن جەتكىزۋ، بۇل ەنەرگەتيكا، كولىك، ينفراقۇرىلىم، اۋىل شارۋاشىلىعى، تۋريزم جانە باسقا دا سالالاردا قوسىلعان قۇندى قالىپتاستىرۋدى ارتتىرۋعا مۇمكىندىك بەرەدى»، - دەدى ا. مامين.
كەزدەسۋگە قاتىسۋشىلار تىكەلەي شەتەلدىك ينۆەستيتسيالار اعىمىنا ىقپال ەتەتىن مودەلدەر مەن فاكتورلاردى، قازاقستاننىڭ ينۆەستيتسيالىق ساياساتىن كۇشەيتۋ بويىنشا مىندەتتەردى، قۇقىقتىق رەتتەۋ ماسەلەلەرىن، سونداي-اق جەكەشەلەندىرۋ مەن مەملەكەتتىك-جەكەشەلىك ارىپتەستىك الەۋەتىن قاراستىردى.
پىكىرتالاس سەسسياسىنا ۇكىمەت مۇشەلەرى، ۇلتتىق حولدينگتەر مەن دامۋ ينستيتۋتتارنىڭ باسشىلارى، سونداي-اق ينۆەستيتسيالار تارتۋ سالاسىنداعى جەتەكشى ساراپشىلار - دۇنيەجۇزىلىك بانكتىڭ ورتالىق ازيا بويىنشا ايماقتىق ديرەكتورى ل. بۋرۋنچۋك، «Czechinvest» ستراتەگيالىق جوبالاردى باسقارۋ ديرەكتورى ۆ. زايتسوۆا، شەتەلدىك ينۆەستيتسيالاردى تارتۋ جونىندەگى يرلانديا اگەنتتىگىنىڭ (IDA) باسقارۋشى قۇرامىنىڭ بۇرىنعى مۇشەسى د. بەننەت، دۇنيەجۇزىلىك بانك ساراپشىلارى ۆب ح. يەدليچكا، پ. كوررەا جانە باسقالارى قاتىستى.