+7 (701) 759 90 19
23 °С : نۇر-سۇلتان
26 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قىتايدا جابايى جانۋارلاردى جەۋگە قاتاڭ تىيىم سالىندى - شەتەلدەگى قازاق ءتىلدى ب ا ق- قا شولۋ

22 اقپان 11:46
:ءبولىسۋ
قىتايدا جابايى جانۋارلاردى جەۋگە قاتاڭ تىيىم سالىندى - شەتەلدەگى قازاق ءتىلدى ب ا ق- قا شولۋ

نۇر-سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

ۇلانباتىردا نۇر-سۇلتان قالاسى اتىندا كوشە اشىلادى - KAZNEWS

ۇلانباتىر قالاسىنىڭ مەرى س. امارسايحان قازاقستان رەسپۋبليكاسىنىڭ موڭعولياداعى توتەنشە جانە وكىلەتتى ەلشىسى جالعاس ادىلبايەۆپەن كەزدەستى، دەپ حابارلايدى موڭعوليانىڭ KAZNEWS اقپاراتتىق پورتالى.

ق ر ەلشىسى جالعاس ادىلبايەۆ ءوزىن قابىلداعان استانا اكىمىنە العىسىن بىلدىرە كەلە، ەكى ەل اراسىنداعى ىنتىماقتاستىقتى ودان ءارى دامىتۋعا دايىن ەكەنىن ايتقان.

قازاقستان رەسپۋبليكاسىنىڭ موڭعولياداعى توتەنشە جانە وكىلەتتى ەلشىسى جالعاس ادىلبايەۆ ۇلانباتىر قالاسىندا نۇر-سۇلتان قالاسىنىڭ اتىنداعى كوشە اشۋ جۇمىستارى ءجۇرىپ جاتقانىنا العىسىن ءبىلدىردى. سونداي-اق، ۇلانباتىر قالاسىمەن تۋريزم باعىتتارى بويىنشا ناقتى بايلانىس جاساۋ نيەتى بار نەكەنىن ايتقان.

ال قالا مەرى قازاقستاننىڭ قالا قۇرىلىمى، جاسامپاز جۇمىستارى، ازاماتتاردى تۇرعىن ۇيمەن قامتاماسىز ەتۋ ساياساتى قاتارلى ماسەلەلەرگە قىزىعۋشىلىق تانىتىپ وتىرعانىن، بۇل ماسەلەلەر جونىندە ءوزارا تاجىريبە الماسۋ نيەتى بارىن مالىمدەگەن.

ەستەرىڭىزگە سالساق، وتكەن جىلى قاراشا ايىندا ۇلانباتىر قالاسىنىڭ باس مەنەدجەرى ت. گانتومور نۇر-سۇلتان قالاسىنا جۇمىس ساپارىمەن بارعان ەدى. سوندا ۇلانباتىردا نۇر-سۇلتان قالاسى اتىنداعى كوشە اشۋ تۋرالى ءسوز بولعان. الداعى كوكتەمدە ۇلانباتىر قالاسىنىڭ «باگا تويرۋۋ» ماڭىنان نۇر- سۇلتان قالاسى اتىنداعى كوشە اشىلاتىنى تۋرالى ايتىلىپ جاتىر.

تۇركيانىڭ ەڭ ۇلكەن كىتاپحاناسى پايدالانۋعا بەرىلدى - TRT

سەلچۋك، وسمانلى زامانىنان شابىت الىپ سالىنعان جاڭا كىتاپحانا عيماراتى 7 كۇن ءارى 24 ساعات بويى قىزمەت كورسەتەتىن بولادى، دەپ حابارلايدى تۇركيا راديو تەلەۆيزيا پورتالى.

تۇركيانىڭ ەڭ ۇلكەن كىتاپحاناسى سانالعان بۇل ورتالىق بەيسەنبى كۇنى اشىلادى دەپ جازعان تۇركيالىق ب ا ق. اتالعان مادەني ورتالىقتىڭ قۇرىلىسى 2016-جىلى باستالعان ەكەن. اۋماعى 125 مىڭ شارشى مەتردى قۇرايتىن جاڭا كىتاپحانا ءبىر مەزەتتە 5 مىڭ ادامعا قىزمەت كورسەتە الادى. بۇل كىتاپحانادا 4 ميلليون باسپادا باسىلعان كىتاپتار، 120 ميلليون ەلەكتروندىق ماتەريال جانە 550 مىڭ ەلەكتروندىق كىتاپ پەن سيرەك كەزدەسەتىن جازبا ماتەريالدار بار.

«سورەلەردە 100 ءتۇرلى ەلدەن 134 تىلدە باسىلعان كىتاپ پەن 120 ميلليون ماقالا ساقتالعان. جاڭا كىتاپحانادا سونىمەن بىرگە جەكە كوللەكتسيالار، سيرەك كەزدەسەتىن قولجازبالار، پاديشا بۇيرىقتارى، كارتالار، فوتوسۋرەتتەر، ماركالار مەن گراۆيۋرالار دا وقىرمانعا ۇسىنىلادى» دەپ جازادى TRT.

كىتاپحانانىڭ ەڭ نازار اۋداراتىن بولىمدەرىنىڭ ءبىرى - داۋىس جانە كورىنىس كىتاپحاناسى. بۇل بولىمدە 10 مىڭ دانا كورىنىس جانە دىبىس ماتەريالدارىنان تۇراتىن كوللەكتسيا بار. سونداي-اق، وقىرماندار فيلم مۋزىكالارى مەن دەرەكتى فيلم مۇراعاتىنا قول جەتكىزە الادى.

«كىتاپحانادا بالالار، جاستار جانە ەرەسەكتەرگە ارنالعان جاساندى ينتەللەكت، كيبەر قاۋىپسىزدىك، كودتاۋ كۋرستارى اشىلادى. تۇركيانىڭ بۇل ەڭ ۇلكەن مادەني، رۋحاني ورتالىعى ءارى كوللەكتسيا بولادى، ءارى قىزمەتى جاعىنان الەمنىڭ تاڭداۋلى كىتاپحانالارى قاتارىنا ەنەتىنى ايتىلدى» دەپ تۇيىندەيدى تۇركيا راديو تەلەۆيزيا پورتالى.

وزبەكستاندا جاستار پارلامەنتى قۇرىلادى - «ءو ز ا» اقپاراتتىق اگەنتتىگى

وزبەكستاندا جاستار پارلامەنتى قۇرىلماق. بۇل - جاستاردىڭ زاڭ شىعارۋ پروتسەسىنە ارالاسۋىن ارتتىرىپ، ولاردىڭ يكەمدىلىگىن ودان ءارى جەتىلدىرۋ ماقساتىندا جاسالماق، دەپ حابارلايدى «ءو ز ا» اقپاراتتىق اگەنتتىگى.

اتاۋلى باستاما وزبەكستان رەسپۋبليكاسى دامۋىنىڭ 2017-2021-جىلدارعا ارنالعان بەس باستاماسى اياسىندا كوزدەلىپ وتىر.

«جوبا جاستار پارلامەنتىن قۇرۋ جانە ونىڭ قۇرامىن جاساقتاۋ ءتارتىبىن بەلگىلەۋ، جاستار پارلامەنتىنىڭ «ولي ماجليس» پالاتالارى كوميتەتتەرىمەن ءوزارا بايلانىسىن جولعا قويۋدى قاراستىرادى. زاڭ جوبالارىن ازىرلەۋ مەن پارلامەنتتىك باقىلاۋدى جۇزەگە اسىرۋ پروتسەسىنە جاستار پارلامەنتارييلەرىنىڭ بەلسەندى قاتىسۋىن قامتاماسىز ەتۋ دە كوزدەلەدى»، دەپ جازادى وزبەكستاندىق ب ا ق.

«ءو ز ا» اقپاراتتىق اگەنتتىگىنىڭ كەلتىرگەن دەرەگىنە سۇيەنسەك، جوبانىڭ ورىندالۋىنا جاۋاپتى ولي ماجليس پالاتالارى، زاڭ شىعارۋ ماسەلەلەرى جانە پارلامەنتتىك زەرتتەۋلەر ينستيتۋتى بولىپ وتىر.

بۇل رەتتە 2020-جىلدىڭ 1- ناۋرىزىنا دەيىنگى ءىس-شارالار باعدارلاماسى جاسالادى.

شىڭجاڭدا 3 ميلليوننان استام وقۋشى ونلاين وقي باستادى - قىتايدىڭ «ورتالىق حالىق راديوسى» (CNR)

17- اقپان كۇنى تاڭەرتەڭ باستاۋىش جانە ورتا مەكتەپ وقۋشىلارىنا ارنالعان «ونلاين سىنىپ» ساباقتارى باستالادى، دەپ حابارلايدى قىتايلىق kazakcnr.com سايتى.

ونلاين رەجيمىندەگى ساباق بۇكىل شىڭجاڭ بويىنشا وتكىزىلە باستادى. «ءدال سول كۇننەن باستاپ شىڭجاڭ ونلاين رەجيمىندە وقىتۋ ءۇشىن ينتەرنەتتەن باسقا دا اقپاراتتىق قۇرالداردى قولدانادى. شىڭجاڭداعى باستاۋىش جانە ورتا مەكتەپ وقۋشىلارى سپۋتنيكتىك، ينتەرنەت تەلەديدارىن، ءبىلىم بەرۋ جەلىسىنىڭ پلاتفورماسىن جانە تەلەارنالاردى قولداندى» دەپ جازادى قىتايدىڭ «ورتالىق حالىق راديوسى».

سونىمەن بىرگە بارلىق باستاۋىش جانە ورتا مەكتەپ وقۋشىلاردى جۇمىس پەن تىنىعۋ ۋاقىتىن سانالى تۇردە ۇيىمداستىرۋعا، تاماق ىشۋگە جانە دەنساۋلىعىن قورعاۋعا مىندەتتى دەلىنگەن. سونداي-اق وقۋشىلارعا اسا قاۋىپتى جۇقپالى اۋرۋدان ساقتانۋ ءۇشىن فيزيكالىق كۇشتەرىن نىعايتۋى، پسيحيكالىق دەنساۋلىقتى ساقتاۋى، دەمالۋدىڭ ارالىعىن دۇرىس ۇستاۋى كەرەك دەپ ەسكەرتىلگەن.

اتالعان قىتايلىق ب ا ق- تىڭ دەرەگىنە سۇيەنسەك، سول كۇنى بۇكىل شىڭجاڭداعى ونلاين ساباق وقۋعا 3 ميلليوننان استام مەكتەپ وقۋشىسى قاتىسا باستاعان.

ايتا كەتۋ كەرەك، قازىرگى ۋاقىتتا بۇكىل ق ح ر بويىنشا كوروناۆيرۋستان ساقتانۋ ءۇشىن كارانتين جاريالانعان.

وزبەكستاندىق اسپازدار 797 كەلى لاعمان اسىپ الەمدىك رەكوردتى جاڭارتتى - «ءو ز ا» اقپاراتتىق اگەنتتىگى

ماسكەۋدە 13-16- اقپان كۇندەرى III حالىقارالىق مادەنيەتتەر فەستيۆالى ءوتىپ، وندا وزبەكستان، قازاقستان، قىرعىزستان، تۇرىكمەنستان، گرۋزيا، رەسەي، تاتارستان، ازەربايجان جانە داعىستاننان كەلگەن ءداستۇرلى ونەر شەبەرلەرى قاتىستى.

بۇل تۋرالى وسى اپتادا «ءو ز ا» اقپاراتتىق اگەنتتىگى حابارلاعان بولاتىن. ايتۋلى شارادا وزبەكستاندىق اسپازدار 797 كەلى سالماقتا لاعمان ءپىسىرىپ الەمدىك رەكوردتى جاڭارتتى. بۇنىڭ ءوزى الداعى ۋاقىتتا ۇيىمداستىرىلاتىن فەستيۆالدىڭ ودان سايىن قىزىقتى وتەتىنىنە ىقپال ەتۋى مۇمكىن.

بۇعان دەيىنگى «ينتەررەكورد» حالىقارالىق رەكوردتار كىتاپشاسىندا جازىلعانىنداي، 2015-جىل الماتى قالاسىندا جاسالعان بولاتىن. وندا اسپازدار 687 كەلى لاعمان دايىنداعان ەكەن.

«فەستيۆالدە اسپازداردان باسقا قولونەرشىلەر بۇحارا كىلەمدەرىن، ريشتان جانە گيجدۋۆان كەراميكالارىنان جاسالعان زاتتار مەن زەرگەرلىك بۇيىمدارىن، چۋست پىشاقتارىن، مارعيلان جىبەكتەرىن جانە باسقا دا قولونەر بۇيىمدارىن كورەرمەنگە تارتۋ ەتتى» دەپ تۇيىندەيدى وزبەكستاندىق ب ا ق.

جابايى جانۋارلاردى جەۋگە تىيىم سالىندى - «جەنمين جيباو» (People Daily)

اۋرۋدىڭ الدىن الۋ مەكەمەلەرىمەن مەديتسينالىق مامانداردىڭ العاشقى تەكسەرۋ-زەرتتەۋىنىڭ ناتيجەسىنە سايكەس كوروناۆيرۋس اۋرۋىنىڭ جابايى جانۋارلاردان ادامزاتقا جۇعۋى، ودان ادامدار اراسىندا تارالۋعا سەبەپشى بولۋ مۇمكىندىگى وتە زور بولىپ وتىر. بۇل تۋرالى kazakh.people.com.cn حابارلادى.

«3- اقپان كۇنى مەملەكەتتىك بازار باقىلاۋ-باسقارۋ باس مەكەمەسى، ەكولوگيالىق قورشاعان ورتا مينيسترلىگى، مەملەكەتتىك ورمان شارۋاشىلىعى جانە جايىلىم مەكەمەسى سەكىلدى 10 مينيسترلىك پەن كوميتەت (مەكەمە) جابايى جانۋارلاردى زاڭعا قايشى ساۋدالاۋعا تىيىم سالۋ ءۇشىن ارناۋلى زاڭ ەرەجەسىن بىرلەسىپ بەلگىلەدى. ىندەت تارالعان مەزگىلدە بۇكىل ەل بويىنشا ەڭ قاتاڭ باسقارۋ-تىزگىندەۋ شارالارى اتقارىلىپ، جابايى جانۋارلاردى ساۋدالاۋعا جاپپاي تىيىم سالىندى» دەپ جازادى ب ا ق.

وسىعان سايكەس قىتايدىڭ جابايى جانۋارلاردى قورعاۋ قوعامى ارنايى ۇندەۋ جاريالادى. «جابايى جانۋارلاردى ازىق رەتىندە جەۋدى توقتاتايىق جانە ولارعا ەش جاقىنداۋعا بولمايدى. قاجەت بولعان جاعدايدا قاۋىپسىز ارالىقتى ساقتايىق. بۇنداي تىيىم سالىنعان جانۋارلاردى زاڭسىز ساۋدالايتىن بازارلار جانە زاڭعا قايشى ارەكەتتەر بايقالسا، سول جەردەگى باسقارۋشى نەمەسە زاڭ اتقارۋ ورىندارىنا دەرەۋ حابارلانسىن» دەپ مالىمدەگەن قىتايدىڭ جابايى جانۋارلاردى قورعاۋ قوعامى.

اۆتور: بەيسەن سۇلتان



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات