13:52, 22 - اقپان 2020 | GMT +6
قازاقستان، ازەربايجان جانە تۇركيا مەكتەپتەرىنە «ورتاق تۇركى تاريحى» وقۋلىعى ەنگىزىلدى
نۇر-سۇلتان. قازاقپارات - تۇركى كەڭەسىنە مۇشە مەملەكەتتەر باسشىلارىنىڭ تاپسىرماسىمەن حالىقارالىق تۇركى اكادەمياسى ازىرلەگەن «ورتاق تۇركى تاريحى» وقۋلىعى قازاقستان، ازەربايجان جانە تۇركيا مەكتەپتەرىنىڭ باعدارلاماسىنا ەنگىزىلە باستادى، دەپ حابارلايدى قازاقپارات.
«بيىلعى جىلى «ورتاق تۇركى تاريحى» ءپانىن فاكۋلتاتيۆ رەتىندە تۇركيادا 30 مىڭ وقۋشى، قازاقستاندا 15 مىڭ وقۋشى، ازەربايجاندا 10 مىڭ وقۋشى تاڭدادى.
وقۋلىق ەجەلگى داۋىردەن باستاپ XV عاسىرعا دەيىنگى كەزەڭدى قامتيدى. وقۋ قۇرالىندا تۇركى حالىقتارى قۇرعان مەملەكەتتەردىڭ تاريحىمەن بىرگە ولاردىڭ داستۇرلەرى، مادەنيەتى جانە ۇلتتىق ويىنداردىڭ پايدا بولۋ تاريحى جان-جاقتى كورسەتىلگەن»، - دەلىنگەن حالىقارالىق تۇركى اكادەمياسىنىڭ رەسمي سايتىندا.