انا ءتىلىم - ارداعىم: شەتەلدەگى قازاق بالالارى اراسىندا وتكەن بايقاۋ مارەسىنە جەتتى
بۇل جونىندە قوردىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
بايقاۋعا 2020-جىلدىڭ 1-20- اقپان ارالىعىندا شەتەلدەگى (موڭعوليا، وزبەكستان، يران، بەلارۋس ەلدەرىندەگى) ەتنيكالىق قازاق بالالارىنان (8-11- سىنىپ وقۋشىلارى) بارلىعى 33 شىعارما قابىلداندى.
حالىقارالىق بايقاۋدا باق سىناعاندار اراسىندا ءبىرىنشى ورىن 11-سىنىپتا وقيتىن موڭعوليالىق كۇنبەردى باقبەرگەن قىزىنا بۇيىردى. ونىڭ اباي تۋرالى شىعارماسى ۇزدىك اتاندى.
2-ورىنعا وزبەكستاندىق گۇلبانۋ كۇمىسبايەۆا مەن موڭعوليادا تۇراتىن 9-سىنىپ وقۋشىسى اراي مۇحاراپ قىزى يە بولدى.
3-ورىن يەگەرلەرى ۇشەۋ - يراندىق ناركەس ەسكەلدى، وزبەكستاندىق ديانا ابدۋمۋمينوۆا جانە موڭعوليالىق اليما ءسىلامحان قىزى. سونداي-اق، سايدا ابدىكامالوۆا (وزبەكستان)، جۇلدىز ەرقۋات (موڭعوليا)، نيكيتا گونچارەنوك (بەلارۋس)، يليا گونچارەنوك (بەلارۋس) جانە نازەركە سەلەيمانوۆا ىنتالاندىرۋ سىيلىعىن جەڭىپ الدى.
ەسكە سالا كەتەيىك، بايقاۋعا قاتىساتىن تالاپكەرلەر «وتانداستار» قورىنا عۇلاما ويشىل ءابۋ-ناسىر ءال-ءفارابيدىڭ 1150 جىلدىعى جانە ۇلتىمىزدىڭ ۇلى اقىنى ابايدىڭ 175 جىلدىعىنا ارناپ ءوزىنىڭ وي-تولعامىن شاعىن شىعارما ەتىپ جازۋى ءتيىس ەدى.
بايقاۋ شارتى بويىنشا 1- ورىن العان وقۋشى «تۋعان ەلگە ساياحات» تۋريستىك پويىزىنا ءبىر جولداما يەلەنەدى. II ورىن العان وقۋشىلار ءۇشىن - بۋرابايداعى «بالداۋرەن» بالالار لاگەرىنە 2 جولداما، III ورىن العاندار ءۇشىن - ن ز م (ن ي ش) لاگەرىنە 3 جولداما (نۇر-سۇلتان قالاسى) قاراستىرىلعان.