ەلجان ءبىرتانوۆ قىتاي ەلشىسىمەن كەزدەستى
تاراپتار كوروناۆيرۋس بويىنشا قازىرگى ەپيدەميولوگيالىق جاعدايدى جانە ۆيرۋستىڭ تارالۋىنا قارسى جۇرگىزىلىپ جاتقان شارالارعا قاتىستى ءبىرقاتار ماسەلەلەردى تالقىلادى.
ەلشى مىرزا قازاقستانداعى ۆيرۋستىڭ الدىن الۋ جۇمىستارىن جوعارى باعالادى.
«جاڭا كوروناۆيرۋس قانشا قاۋىپتى بولسا دا، ءبىز ونى ەمدەي الامىز. جەڭىستىڭ اۋىلى الىس ەمەس ەكەنىنە سەنىمدىمىن. ءبىز جاۋاپكەرشىلىكتى، ءبىرىنشى كەزەكتە، كورشى ەلدەر الدىنداعى جاۋاپكەرشىلىكتى جاقسى تۇسىنەمىز. قازاقستان - قىتايدىڭ باستى ساۋدا- ەكونوميكالىق سەرىكتەستەرىنىڭ ءبىرى. جانە قازاقستان ۇكىمەتى كوروناۆيرۋسقا قارسى كۇرەس بويىنشا ۋاقىتىلى جانە دەر كەزىندە وتە دۇرىس شارالار قابىلدادى» - دەدى ديپلومات.
ەلىمىزدىڭ دەنساۋلىق ساقتاۋ ءمينيسترى ەلجان ءبىرتانوۆ تا قىتاي حالقىنا قولداۋ ءبىلدىردى.
«قىتاي حالقىنىڭ اتالعان ۆيرۋسپەن كۇرەس جولىنداعى ەرلىگىن جوعارى باعالايمىز. اسىرەسە، قىتايدىڭ مەديتسينالىق قىزمەتكەرلەرىنىڭ باتىلدىعى مەن ءوز جۇمىسىنا جان- تانىمەن بەرىلگەندىگىن ەرەكشە اتاپ وتكىم كەلەدى، ولار مىڭداعان ادامدى قۇتقارۋدا. ءسىز ارقىلى قىتايلىق ارىپتەستەرىمە العىس ايتقىم كەلەدى. ءبىز بارشا دارىگەرلەرگە، ارينە، دوستاس قىتاي حالقىنا شىدامدىلىق پەن ەلدەگى ەپيدەميولوگيالىق جاعدايدىڭ ەرتەرەك جاقسارۋىن تىلەيمىز»، - دەپ تۇيىندەدى ءوز ءسوزىن ۆەدومستۆو باسشىسى.
تاراپتار كوروناۆيرۋسقا قارسى كۇرەستى جانە ونىڭ قازاقستاندا تارالۋىنا جول بەرمەۋ جونىندەگى بىرلەسكەن جۇمىستى جالعاستىرۋعا كەلىستى.