+7 (701) 759 90 19
28 °С : نۇر-سۇلتان
32 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

ەلوردادا زەينەتكەرلەردىڭ ءتىسىن ەمدەۋ تەگىن جۇرگىزىلەدى

21 اقپان 18:51
:ءبولىسۋ
ەلوردادا زەينەتكەرلەردىڭ ءتىسىن ەمدەۋ تەگىن جۇرگىزىلەدى

نۇر- سۇلتان. قازاقپارات - ەلوردا زەينەتكەرلەرى مەن مۇقتاج ازاماتتارعا ءتىس پروتەزى بويىنشا تەگىن قىزمەت كورسەتىلەدى، دەپ حابارلايدى قازاقپارا قالا اكىمدىگىنە سىلتەمە جاساپ.

قالالىق ءماسليحاتىنىڭ شەشىمىمەن مۇقتاج ازاماتتاردىڭ جەكەلەگەن ساناتتارىنا الەۋمەتتىك كومەك شەڭبەرىندە باعالى مەتالداردان جاسالعان پروتەزدەردەن باسقا ءتىس پروتەزدەۋ تۇرلەرى بويىنشا تەگىن قىزمەت كورسەتىلەدى.

مۇقتاج ازاماتتار ساناتىنا كەلەسى توپتار جاتادى:

- ۇلى وتان سوعىسىنىڭ قاتىسۋشىلارى مەن مۇگەدەكتەر جانە سولارعا تەڭەستىرىلگەن ادامدار؛

- جاسى بويىنشا زەينەتكەرلەر؛

- مۇگەدەكتەر؛

- تابىسى از ازاماتتاردىڭ ىشىنەن كوپبالالى انالار، كوپبالالى وتباسىلار.

سونىڭ ىشىندە ۇ و س قاتىسۋشىلارى مەن مۇگەدەكتەرىنە قىزمەتتەر كەزەكتەن تىس كورسەتىلەدى. قالعان ساناتتارداعى ازاماتتارعا قىزمەتتەر كەزەك رەتىمەن ۇسىنىلادى.

«الەۋمەتتىك كومەك الۋ ءۇشىن ءوتىنىش بەرۋشى قالالىق جۇمىسپەن قامتۋ جانە الەۋمەتتىك قورعاۋ باسقارماسىنا ءوتىنىش، جەكە باسىن كۋالاندىراتىن قۇجاتتىڭ كوشىرمەسىن، ۋاكىلەتتى مەديتسينالىق ۇيىمى بەرگەن ءتىستى پروتەزدەۋ قاجەتتىلىگى جونىندە مەديتسينالىق قورىتىندىنى ۇسىنادى. قۇجاتتار سالىستىرۋ ءۇشىن ءتۇپنۇسقا مەن كوشىرمە تۇرىندە ۇسىنىلادى. قۇجاتتار ءوتىنىش بەرۋشىگە قايتارىلادى»، دەلىنگەن حابارلامادا.

ءتىستى پروتەزدەۋگە الەۋمەتتىك كومەك ەكى جىلدا بىر رەت ۇ و س قاتىسۋشىلارى مەن مۇگەدەكتەرىنە، سونداي- اق جەڭىلدىكتەر مەن كەپىلدىكتەر بويىنشا سولارعا تەڭەستىرىلگەن تۇلعالارعا، زەينەتكەرلەرگە ۇسىنىلاتىنىن ايتا كەتكەن ءجون.

«ءتىس پروتەزدەۋگە الەۋمەتتىك كومەك شەڭبەرىندە مەديتسينالىق كورسەتكىشتەر بولعان جاعدايدا ءتىستى، پارودونت اۋرۋلارىن ەمدەۋدى، مەديتسينالىق مانيپۋلياتسيا جۇرگىزۋ ارقىلى (ينەكتسيا، رەنتگەنگە ءتۇسىرۋ جانە ت. ب. ) ءتىستى جۇلۋدى قامتيتىن اۋىز قۋىسىن پروتەز الدى تازالاۋ جۇزەگە اسىرىلادى»، دەلىنگەن حابارلامادا.

قازىرگى تاڭدا مەملەكەتتىك ساتىپ الۋ ءراسىمى جۇرگىزىلۋدە. بايقاۋدىڭ قورىتىندىسى اقپان ايىنىڭ سوڭىندا وتكىزىلەدى.

جەتكىزۋشىلەرمەن شارت جاساعاننان كەيىن جەرگىلىكتى بۇقارالىق اقپارات قۇرالدارى ارقىلى تىستەردى پروتەزدەۋگە قىزمەتتەردى كورسەتۋ بويىنشا تىركەۋ جۇرگىزەتىن ورىندار مەن مەرزىمى تۋرالى حالىقتى حاباردار ەتەدى.

تولىق كەڭەس الۋ ءۇشىن دوستىق كوشەسىندەگى 13-ۇيگە (تەل. 556845، 556822، 556834) جۇمىسپەن قامتۋ جانە الەۋمەتتىك قورعاۋ باسقارماسىنا حابارلاسۋ كەرەك.


باستى سوزدەر: دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات