قوردايداعى اقساقالعا قول كوتەرۋ وقيعاسى بويىنشا ساراپتاما جۇرگىزىلىپ جاتىر - ەرلان تۇرعىمبايەۆ
«پوليتسيا قىزمەتكەرىنە قول كوتەرۋ، جاعاسىنان الۋ - قازاقستاندا عانا ەمەس، دۇنيەءجۇزىنىڭ قاي ەلىندە بولماسىن قىلمىستىڭ ۇلكەنى. ءبىز ونى كوردىك، سول قىلمىس جاساعاندار تابىلدى ما؟ ولارعا ءىس قوزعالدى ما؟ ەكىنشىدەن، قاي حالىقتا بولماسىن جاسى ۇلكەن ادامعا، اقساقالعا قارسى ءسوز سويلەۋ، جامان ءسوز ايتۋ جاقسى ەمەس. بۇل ماسەلە الەۋمەتتىك جەلىدە كوپ تالقىلاندى. وسى اقساقالعا (قورداي اۋدانىندا) قول كوتەرگەن ادامدار تابىلدى ما؟ تابىلسا، ولارعا قاتىستى قىلمىستىق ءىس قوزعالدى ما؟»، - دەپ سۇرادى پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى مۇحتار قۇل- مۇحاممەد ق ر ءى ءى م باسشىسىنان.
ءوز كەزەگىندە ە. تۇرعىمبايەۆ بۇگىندە قورداي اۋدانىندا جاعداي تۇراقتى ەكەنىن اتاپ ءوتتى.
«ءبىزدىڭ پوليتسيا قىزمەتكەرلەرىنە قول كوتەرگەن ءۇش ادام انىقتالىپ، قاماۋعا الىندى»، - دەپ توقتالدى مينيستر.
سونىمەن قاتار ول اقساقالعا قول كوتەرۋ وقيعاسى بويىنشا ساراپتالىق شارالار ءجۇرىپ جاتقانىن ايتتى.
«اقساقال بويىنشا ماسەلەگە توقتالساق، بۇل ىسكە قاتىستى ازاماتتى ۇستادىق. ول ادام ەكىنشى كۇنى ۇستالدى، قازىر قاماۋدا وتىر. اتاپ ايتقاندا، مەديتسينالىق ساراپتاما بىتكەننەن كەيىن، ءىستى ەكى- ءۇش اپتادان سوڭ سوتقا جىبەرەمىز»، - دەدى ەرلان تۇرعىمبايەۆ.
اۆتور: رۋسلان عابباسوۆ