+7 (701) 759 90 19
21 °С : نۇر-سۇلتان
18 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

مەملەكەت باسشىسى ۇلتتىق قوعامدىق سەنىم كەڭەسىنىڭ مۇشەلەرىمەن كەزدەستى

21 اقپان 17:34
:ءبولىسۋ
مەملەكەت باسشىسى ۇلتتىق قوعامدىق سەنىم كەڭەسىنىڭ مۇشەلەرىمەن كەزدەستى

نۇر- سۇلتان. قازاقپارات - قاسىم- جومارت توقايەۆ ۇلتتىق قوعامدىق سەنىم كەڭەسىنىڭ مۇشەلەرىمەن كەزدەستى، دەپ حابارلايدى اقوردا.

قوعام قايراتكەرى، «BTS Digital» ءبىلىم بەرۋ جوباسىنىڭ جەتەكشىسى ساياسات نۇربەكپەن كەزدەسۋ بارىسىندا كاسىپتىك- تەحنيكالىق ءبىلىم بەرۋ ءىسىن جانە ەڭبەك نارىعىن دامىتۋ ماسەلەلەرى تالقىلاندى.

ساياسات نۇربەك پرەزيدەنتكە «جاڭا ماماندىقتار اتلاسى» ۇلتتىق جوباسىنىڭ جۇزەگە اسىرىلۋى جايىندا ايتتى. ونىڭ پىكىرىنشە، اتالعان جوبا جاستاردىڭ ماماندىق تاڭداۋىنا جانە الداعى ۋاقىتتا ەلىمىزدە سۇرانىسقا يە بولاتىن كاسىپتەردى مەڭگەرۋىنە كومەكتەسەدى.

مەملەكەت باسشىسى ءبىلىم بەرۋ سالاسىندا جاڭا عىلىمي ادىستەردى جانە تەحنولوگيالىق شەشىمدەردى قولدانۋدىڭ ماڭىزدىلىعىن اتاپ ءوتتى. قاسىم- جومارت توقايەۆتىڭ ايتۋىنشا، ءبىلىم جۇيەسىن جاڭعىرتۋعا بايلانىستى ماسەلەلەر ۇلتتىق قوعامدىق سەنىم كەڭەسىنىڭ كەزەكتى وتىرىسىنىڭ كۇن تارتىبىنە ەنگىزىلەدى.

ەكونوميكالىق ساياسات ينستيتۋتىنىڭ پرەزيدەنتى قايىربەك ارىستانبەكوۆپەن كەزدەسۋدە ۇلتتىق ەكونوميكانى دامىتۋ، مەملەكەتتىڭ الەۋمەتتىك ساياساتىنىڭ تيىمدىلىگىن جاقسارتۋ ماسەلەلەرى قاراستىرىلدى. قازاقستان پرەزيدەنتىنە ينستيتۋتتىڭ جۇرگىزگەن زەرتتەۋ جۇمىستارىنىڭ ناتيجەلەرى باياندالدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات