قازاقستان مەن وزبەكستان ەكى ەل اراسىنداعى اۋە قاتىناسىن كەڭەيتۋگە نيەتتى
تاشكەنت قالاسىندا «Uzbekistan Airports, Aviation Logistics Forum 2020» حالىقارالىق اۆياتسيا- لوگيستيكا فورۋمى اياسىندا ق ر ي ي د م ازاماتتىق اۆياتسيا كوميتەتىنىڭ ءتوراعاسى تالعات لاستايەۆتىڭ وزبەكستان رەسپۋبليكاسىنىڭ كولىك ءمينيسترى ەليار گانييەۆپەن، اۋە كولىگىن دامىتۋ دەپارتامەنتىنىڭ باستىعى ۇلىقبەك بەكتاشيەۆپەن، سونداي- اق «Uzbekistan Airports» ا ق باسقارما ءتوراعاسى روۆشان يسمايلوۆپەن كەزدەسۋى ءوتتى.
«كەزدەسۋ بارىسىندا تاراپتار قازاقستان مەن وزبەكستاننىڭ ازاماتتىق اۆياتسياسىن دامىتۋ پەرسپەكتيۆالارىن، ونىڭ ىشىندە قازاقستاننىڭ اۋەجايلارىندا ەنگىزىلگەن «اشىق اسپان» رەجيمى اياسىندا شەتەلدىك اۋە كومپانيالاردى تارتۋ بويىنشا قابىلدانعان شارالاردى تالقىلادى. سونىمەن قاتار، تاراپتار قازاقستان مەن وزبەكستان اراسىنداعى اۋە قاتىناسىن ودان ءارى كەڭەيتۋ قاجەتتىلىگىن راستادى» دەلىنگەن حابارلامادا.
كەزدەسۋ قورىتىندىسى بويىنشا ەكى ەل اراسىندا رۇقسات ەتىلگەن جيىلىكتەر سانىن ارتتىرۋ، سونداي- اق قازاقستان مەن وزبەكستاننىڭ اۋە تاسىمالداۋشىلارى ءۇشىن ەكى ەل اۋماعىندا جاڭا تاعايىنداۋ پۋنكتىلەرىن قوسۋ بويىنشا جۇمىستى جالعاستىرۋعا قول جەتكىزىلدى.