+7 (701) 759 90 19
6 °С : نۇر-سۇلتان
13 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

جول ءجۇرىسى قاعيدالارىن بۇزعانى ءۇشىن بالدىق باعالاۋ جۇيەسى ەنگىزىلە مە - تۇرعىمبايەۆتىڭ جاۋابى

21 اقپان 14:59
:ءبولىسۋ
جول ءجۇرىسى قاعيدالارىن بۇزعانى ءۇشىن بالدىق باعالاۋ جۇيەسى ەنگىزىلە مە - تۇرعىمبايەۆتىڭ جاۋابى

نۇر-سۇلتان. قازاقپارات - قازاقستاندا جول ءجۇرىسى قاعيدالارىن بۇزعانى ءۇشىن بالدىق باعالاۋ جۇيەسى ەنگىزۋگە ءالى ەرتە.

بۇل جايىندا سەنات دەپۋتاتتارىنىڭ رەسمي ساۋالىنا ىشكى ىستەر ءمينيسترى ەرلان تۇرعىمبايەۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«قازىرگى ۋاقىتتا ق ر اكىمشىلىك قۇقىق بۇزۋشىلىق تۋرالى كودەكسىندە جول ءجۇرىسى سالاسىنداعى قۇقىق بۇزۋشىلىقتاردىڭ 89 قۇرامى، ولاردى بۇزعانى ءۇشىن ايىپپۇل تۇرىندە جازالاۋ كوزدەلگەن. مۇنان بولەك جول ءجۇرىسى قاعيدالارىنىڭ ءبىرقاتار تالابى بار. ولاردى بۇزعانى ءۇشىن كولىك قۇرالدارىن باسقارۋ قۇقىعىنان ايىرۋ نە اكىمشىلىك قاماۋعا الۋ تۇرىندەگى اكىمشىلىك جازا، سونداي-اق ءبىر جىل ىشىندە قايتادان قۇقىق بۇزۋشىلىق جاساعان كەزدە قاتاڭ جازا قولدانىلۋى مۇمكىن. سونىمەن قاتار، جول ءجۇرىسى قاعيدالارىن قايتا بۇزعان كولىك قۇرالدارى جۇرگىزۋشىلەرىنە اكىمشىلىك-قۇقىقتىق ىقپال ەتۋ شارالارى قاراستىرىلعان. اتاپ ايتقاندا، ولار جول ءجۇرىسى قاعيدالارىن بىلۋگە تەكسەرۋگە جىبەرىلەدى»، - دەپ اتاپ وتەدى مينيستر.

ەرلان تۇرعىمبايەۆتىڭ ايتۋىنشا، جۇرگىزۋشى 2 اي ىشىندە جول ءجۇرىسى قاعيدالارىن بىلەتىندىگىن دالەلدەپ ەمتيحان تاپسىرماسا، وندا ونىڭ جۇرگىزۋشى كۋالىگىنىڭ قولدانىلۋىن توقتاتۋ شاراسى قابىلدانادى.

«بالدىق جۇيەنى ەنگىزگەن جاعدايدا جۇرگىزۋشى كۋالىگىنەن ايىرۋعا اكەپ سوقپايتىن جول ءجۇرىسى قاعيدالارىن ءاربىر بۇزۋشىلىقتى تەرىس قىلىقتىڭ اۋىرلىعىنا بايلانىستى بالمەن باعالاۋ قاجەت. ياعني، جۇرگىزۋشى كۋالىگىنىڭ قولدانىلۋ مەرزىمىن توقتاتۋعا اكەپ سوعاتىن ايىپپۇل بالىنىڭ شەكتى سانىن بەلگىلەۋ كەرەك. ايتىلعانداردى ەسكەرە وتىرىپ، قازاقستاندا جول ءجۇرىسى قاعيدالارىن بۇزعانى ءۇشىن ايىپپۇل بالىن ەسەپتەۋ جۇيەسىن ەنگىزۋ قازىرگى ۋاقىتتا ەرتە جانە عىلىمي- زەرتتەۋ ينستيتۋتىن تارتا وتىرىپ قوسىمشا زەردەلەۋدى تالاپ ەتەدى دەپ ەسەپتەيمىز. سەبەبى، اپاتتىلىق جاعدايىنا ىقپال ەتۋگە بايلانىستى جول ءجۇرىسى قاعيدالارى تالاپتارىن ءاربىر بۇزۋشىلىققا بال مولشەرىنىڭ ءادىسناماسىن جانە نەگىزدەمەسىن ازىرلەۋ قاجەت بولادى»، - دەدى ەرلان تۇرعىمبايەۆ.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات