+7 (701) 759 90 19
21 °С : نۇر-سۇلتان
16 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

جايىلىم جەر بارلىق وبلىستا جەتىسپەيدى - اۋىل شارۋاشىلىعى مينيسترلىگى

21 اقپان 14:44
:ءبولىسۋ
جايىلىم جەر بارلىق وبلىستا جەتىسپەيدى - اۋىل شارۋاشىلىعى مينيسترلىگى

نۇر- سۇلتان. قازاقپارات - اۋىل شارۋاشىلىعى ۆيتسە-ءمينيسترى رۇستەم قۇرمانوۆ شارۋا قوجالىقتاردىڭ اتىنا تىركەلگەن 72,4 ميلليون گەكتار جايىلىم جەردىڭ جارتىسىنا جۋىعى عانا يگەرىلىپ وتىرعانىن ايتتى، دەپ حابارلايدى قازاقپارات ءتىلشىسى.

«پرەزيدەنتتىڭ تاپسىرماسى بويىنشا وڭىرلەردە پايدالانىلماي جاتقان جايىلىمدىق جەردىڭ كولەمدەرى انىقتالىپ جاتىر. 2019- جىلدىڭ قاراشا ايىندا مينيسترلىك اۋىل تۇرعىندارىنا ارنالعان مەن اۋىل شارۋاشىلىعى سالاسىنداعى كاسىپورىنداردىڭ اتىنا تىركەلگەن جايىلىم جەرلەرگە ءجىتى تالداۋ جۇمىستارىن اياقتاعان ەدى. اۋداندار مەن اۋىلدىق وكرۋگتەردەگى جايىلىمعا تۇسەتىن ءنورماتيۆتى جۇكتەمەلەر مال سانىمەن سالىستىرا ەسەپتەلدى»، - دەدى رۇستەم قۇرمانوۆ اۋىل شارۋاشىلىعى مينيسترلىگىنىڭ القا ماجىلىسىندە.

تالداۋ جۇمىستارى كورسەتكەندەي، بۇكىل وبلىستاعى قاراپايىم حالىق ءۇشىن، اسىرەسە وڭتۇستىكتەگى وڭىرلەردە جايىلىم جەردىڭ جەتىسپەيتىنى انىقتالىپ وتىر. ونىڭ ۇستىنە قازىرگى شارۋا قوجالىقتاردىڭ اتىنا تىركەلگەن 72,4 ميلليون گەكتار اۋماقتىڭ جارتىسىنا جۋىعى مال باسىنىڭ جەتكىلىكتى سانىمەن قامتىلماعان.

«وسىعان بايلانىستى مينيسترلىك حالىققا جايىلىم جەردى ءبولۋ بويىنشا وبلىس اكىمدەرىنىڭ اتىنا ءتيىستى حاتتاردى جولدادى. ناتيجە دە بار. جىل باسىنان بەرى مەملەكەتتىڭ مەنشىگىنە 1,8 ميلليون گەكتار جايىلىم جەر قايتارىلدى. بۇل باعىتتاعى جۇمىس جالعاسىن تابادى»، - دەدى ۆيتسە-مينيستر.

سونىمەن قاتار 2019-جىلى ا ش م جەر رەسۋرستارىن باسقارۋ بويىنشا كوميتەت جەر زاڭناماسىنىڭ ساقتالۋىن قاداعالاۋ جۇمىستارى اياسىندا سوت ارقىلى مەملەكەت مەنشىگىنە پايدالانىلماي جاتقان 1,2 ميلليون گەكتار جەردى، 37 مىڭ گەكتار ەگىندىك القابىن، 1163 مىڭ گەكتار جايىلىم جەردى قايتارعان.

«اتالعان جەردى جاڭا جەر پايدالانۋشىلارعا تاراتىپ، اۋىل شارۋاشىلىعى اينالىمىنا ەنگىزۋ جۇمىسى جالعاسۋدا»، - دەدى ول.

ەسكە سالا كەتسەك، بۇعان دەيىن اۋىل شارۋاشىلىعى ۆيتسە-ءمينيسترى رۇستەم قۇرمانوۆ سولتۇستىك قازاقستان مەن اقمولا وبلىستارىنداعى پايدالانىلماي جاتقان جەرگە عارىش ارقىلى جۇرگىزىلگەن اۋديتتىڭ قورىتىندىسىن جاريالاپ، بۇل جۇمىس بيىل باسقا وبلىستاردا جالعاساتىنىن ءمالىم ەتكەن ەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات