+7 (701) 759 90 19
5 °С : نۇر-سۇلتان
12 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

كوروناۆيرۋس: قىتايدا وتەتىن تاعى ءبىر وليمپيادالىق تۋرنير وزگە ەلگە اۋىستىرىلدى

21 اقپان 14:16
:ءبولىسۋ
كوروناۆيرۋس: قىتايدا وتەتىن تاعى ءبىر وليمپيادالىق تۋرنير وزگە ەلگە اۋىستىرىلدى

نۇر-سۇلتان. قازاقپارات - قىتايدا وتەتىن توكيو وليمپياداسىنا جولداما ساراپقا سالىناتىن تاعى ءبىر دودا باسقا ەلگە اۋىستىرىلدى، دەپ حابارلايدى قازاقپارات ءتىلشىسى.

قىتاي تاەكۆوندو وداعى كوروناۆيرۋستىڭ تارالۋىنا بايلانىستى 10-12 ءساۋىر كۇندەرى ۋسي قالاسىندا وتەتىن ليتسەنزيالىق تۋرنيردى كەيىنگە شەگەرگەن.

الايدا، حالىقارالىق تاەكۆوندو فەدەراتسياسى قىتايدىڭ ۋسي قالاسىندا وتەتىن ليتسەنزيالىق تۋرنيردى باسقا ەلدە وتكىزۋگە شەشىم قابىلداعان.

اتالعان جارىستى وتكىزۋگە ءبىرقانشا قالا ۇمىتكەر بولىپ، ناتيجەسىندە ەلەكتروندى داۋىس بەرۋ قورىتىندىسى بويىنشا يوردانيانىڭ اممان قالاسى قۇرلىقتىق ىرىكتەۋ تۋرنيرىن قابىلدايتىن قالا بولىپ قابىلداندى.

حالىقارالىق تاەكۆوندو فەدەراتسياسى حابارلاعانداي، ىرىكتەۋ تۋرنيرىنىڭ وتەتىن ورنى وزگەرگەنىمەن ۋاقىتى بۇرىنعىداي 10-12- ءساۋىر كۇندەرى بولىپ قالا بەرمەك.

ەستەرىڭىزگە سالا كەتەيىك، وسىعان دەيىن حالىقارالىق وليمپيادا كوميتەتىنىڭ جۇمىس توبى بوكستان 2020-جىلعى توكيو وليمپياداسىنا ازيا/وكەانيا ايماقتىق ىرىكتەۋ تۋرنيرىن قىتايدىڭ ۋحان قالاسىنان اممان قالاسىنا اۋىستىرعانىن حابارلاعان بولاتىنبىز.

اۆتور: كۇنسۇلتان وتارباي


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات