قىتايدا كوروناۆيرۋسقا قارسى ۆاكتسينانى ەمحانالىق سىناقتان وتكىزۋ كۇنى بەلگىلى بولدى
بۇل تۋرالى جۇما كۇنى قىتايدىڭ عىلىم جانە تەحنولوگيا ءمينيسترى سيۋي نانپين ءمالىم ەتتى، دەپ حابارلايدى قازاقپارات China Daily سايتىنا سىلتەمە جاساپ.
سيۋي نانپيننىڭ ايتۋىنشا، قىتاي جاڭا ۆيرۋسقا قارسى ۆاكتسينانى ازىرلەۋدى جەدەلدەتۋ ءۇشىن ءبىر ۋاقىتتا بىرنەشە تەحنولوگيالىق ادىستەر قابىلداعان.
«ىندەتتىڭ تارالۋىنىڭ باستاپقى كەزەڭىندە قولدانىلعان نۋكلەين تەستىلەرىن نەگىزگە الا وتىرىپ، قىتاي ۆيرۋستى دياگنوستيكالاۋ ءۇشىن جاڭا جوعارى سەزىمتال ونىمدەردى ازىرلەۋ بويىنشا كۇش سالدى. كوروناۆيرۋسقا قارسى ەكسپەريمەنتتىك ۆاكتسينانى العاشقى ەمحانالىق سىناقتان وتكىزۋ ءساۋىردىڭ سوڭىندا باستالادى»، - دەپ حابارلادى سيۋي نانپين.
سيۋي، سونداي-اق، ءداستۇرلى قىتاي مەديتسيناسى جەڭىل ينفەكتسيالاردىڭ اسقىنۋ ىقتيمالدىعىن تومەندەتۋدە ءوزىنىڭ تيىمدىلىگىن دالەلدەگەنىن اتاپ ءوتتى.