+7 (701) 759 90 19
5 °С : نۇر-سۇلتان
12 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

قورىقشىنى ولتىرگەندەر ءومىر بويى باس بوستاندىعىنان ايىرىلدى

21 اقپان 13:15
:ءبولىسۋ
قورىقشىنى ولتىرگەندەر ءومىر بويى باس بوستاندىعىنان ايىرىلدى

قاراعاندى. قازاقپارات - بۇگىن قاراعاندى وبلىسىنىڭ قىلمىستىق ىستەر بويىنشا مامانداندىرىلعان اۋدانارالىق سوتىندا قورىقشى ەرلان نۇرعاليەۆتى ولتىرگەندەرگە قاتىستى سوت ۇكىمى شىقتى، دەپ حابارلايدى قازاقپارات.

ەرلان نۇرعاليەۆتى ءولتىرۋ ارەكەتىنە قاتىستى سوت تىڭداۋى قاراعاندىدا 2019-جىلدىڭ تامىز ايىندا باستالدى. قىلمىستىق ءىس 40 تومنان تۇرادى، تىڭداۋعا 80 نەن استام كۋاگەر قاتىستى. سوتتالۋشىلار ورىندىعىندا بەرىك احمەتوۆ، نۇرلان شۇكىلدىكوۆ جانە قايرات اقشانوۆ وتىردى.

وسىعان دەيىنگى سوت تىڭداۋىندا پروكۋرور بارلىق ءۇش ايىپتالۋشىعا ءومىر بويىنا باس بوستاندىعىنان ايىرۋ جازاسى بەرىلسىن، ونى ايىپكەرلەر قاۋىپسىزدىگى ەرەكشە كولونيادا وتەسىن دەپ سۇراعان بولاتىن.

قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى قايرات قاسىموۆ پروكۋروردىڭ تالاپ-ارىزىن قاناعاتتاندىرىپ، سوت ۇكىمىمەن بەرىك احمەتوۆ، قايرات اقشانوۆ جانە نۇرلان شۇكىلدىك ۇلىنىڭ ءومىر بويى باس بوستاندىعىنان ايىرۋ جازاسىنا كەسىلگەندىگىن ايتتى.

سونداي-اق، وسى ىسكە قاتىسى بار تاعى ءتورت ازامات بەردەن بازاروۆ، باتىربەك قايىربەكوۆ، جاراسحان مىرزابايەۆ جانە ايدوس اكىموۆ 6 جىلعا سوتتالدى. ولار كىناسىن قىلمىستىق اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەيتىن بولادى.


وسىعان دەيىنگى وتىرىستا جابىرلەنۋشى تاراپىنىڭ قورعاۋشىسى 20 ميلليون تەڭگە مورالدىق شىعىن جانە 9 ميلليون 137 مىڭ 600 تەڭگە كولەمىندە ماتەريالدىق شىعىن كەلتىرىلگەنىن اتاپ ءوتتى. سونىمەن قاتار، سوتتالۋشى 17 اقبوكەن ءۇشىن وتەماقى تولەۋگە تۋرا كەلەدى - بۇل 89 ميلليون تەڭگە.

7 ازاماتتىڭ بارلىعىن سوت زالىنان الىپ كەتتى.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات