قىتاي كوروناۆيرۋس تۋرالى ماقالادان كەيىن ا ق ش تىلشىلەرىن اككرەديتاتسيادان ايىردى
تىلشىلەر ەندى بەس كۇن ىشىندە قىتاي اۋماعىنان شىعۋى ءتيىس.
ماقالا باسىلىمدا 3- اقپاندا جاريالانعان. وندا قىتاي بيلىگىنىڭ ەپيدەميانىڭ شىنايى تارالۋ اۋقىمىن جاسىرىپ وتىرعانى جازىلعان. جۋرناليستەردىڭ ماقالاعا قاتىسى جوق. ماقالا اۆتورى - پروفەسسور ۋولتەر راسسەل ميد.
قىتايدىڭ سىرتقى ىستەر مينيسترلىگىنىڭ ايتۋىنشا، ماقالا كوروناۆيرۋسپەن كۇرەسىپ وتىرعان قىتايدىڭ ارەكەتىنە سەنىمسىزدىك تۋعىزادى. مينيسترلىك ماقالانىڭ تاقىرىبىن ناسىلشىلدىك دەپ اتاپ، وسەك-اياڭ سيپاتىنا نەگىزدەلىپ قويىلعان دەدى. پەكين WSJ باسىلىمىنان «كىنالىلەردى» جازالاپ، كەشىرىم سۇراۋدى تالاپ ەتتى. الايدا باسىلىم بۇدان باس تارتتى.
ساراپشىلاردىڭ پىكىرىنشە، ءبىر ماقالاعا بولا بىرنەشە ءتىلشىنى ەلدەن شىعارۋ ءتىپتى قىتايمەن بايلانىستى وقيعالاردىڭ وزىندە وتە سيرەك كەزدەسەدى جانە بۇل ۆاشينگتون مەن بەيجىڭ اراسىنداعى قارىم-قاتىناستىڭ ونان سايىن ۋشىققانىنان حابار بەرەدى.
بۇعان دەيىن ا ق ش قىتايدىڭ بەس ءىرى مەملەكەتتىك اقپارات قۇرالدارى: «شينحۋا» اگەنتتىگى، China Global Television Network تەلەارناسى، China Daily باسىلىمى، «قىتايدىڭ حالىقارالىق راديوسى» جانە Hai Tian Development USA كومپانياسىنىڭ «جەنمين جيباو» باسىلىمىن «شەتەل اگەنتى» دەپ جاريالاعان.
ۆاشينگتوننىڭ ايتۋىنشا، بۇل شەشىم اقپارات قۇرالدارىنىڭ جۇمىسىنا اسەر ەتپەيدى، ءبىراق بۇدان بىلاي ولار جاڭا قىزمەتكەرى مەن مۇلكى جايلى دەرەكتەردى بەرىپ وتىرۋى ءتيىس. بەيجىڭ بۇعان «جاۋاپ بەرەتىنىن» ايتقان.
«ازاتتىق»