+7 (701) 759 90 19
-4 °С : نۇر-سۇلتان
2 °С : الماتى
USD 448.01 EUR 495.86
RUB 5.64 CNY 63.19
جاڭالىقتار

سولتۇستىك قازاقستاندا حالىق اراسىنا ماس كۇيدە شىققاندار ايىپپۇل تولەۋدە

21 اقپان 11:45
:ءبولىسۋ
سولتۇستىك قازاقستاندا حالىق اراسىنا ماس كۇيدە شىققاندار ايىپپۇل تولەۋدە

پەتروپاۆل. قازاقپارات - سولتۇستىك قازاقستان وبلىسىندا بيىل ءتارتىپ ساقشىلارى قوعامدىق ورىنداردا ماس كۇيدە جۇرگەن 948 ادامعا اكىمشىلىك حاتتاما تولتىردى، دەپ حابارلايدى قازاقپارات ءتىلشىسى.

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ايەلدەرگە قاتىستى قىلمىستاردىڭ ءار ءتورتىنشىسى سپيرتتىك ىشىمدىكتى بىرگە وتىرىپ ىشۋدەن كەيىن جاسالادى. ال دەنساۋلىققا اۋىر جانە ورتاشا زيان كەلتىرۋ قىلمىستارىنىڭ ءار ەكىنشىسى ماس كۇيدە جاسالادى.

زاڭسىز اينالىمنان سپيرتتىك ىشىمدىكتەردى الۋ ءۇشىن ءتارتىپ ساقشىلارى ۇنەمى رەيدتىك ءىس- شارالار ۇيىمداستىرادى، حالىقتىڭ ارىز-شاعىمىمەن جۇمىس ىستەيدى. اققايىڭ اۋدانىندا تۇرعىندارمەن كەزدەسۋ بارىسىندا ولار چەركاسسكوە ەلدى مەكەنىندەگى ءبىر ۇيدە زاڭسىز اراق- شاراپ ساتىلاتىندىعىنا نارازىلىق بىلدىرگەن.

پوليتسيانىڭ ۋچاسكەلىك ينسپەكتورى، اۋىلدىق وكرۋگتىڭ قوعامدىق كەڭەسىنىڭ مۇشەسى پروبلەمالىق مەكەنجايلاردى تەكسەرۋ بارىسىندا سپيرتتىك ىشىمدىك ساتىپ جاتقان 39 جاستاعى اۋىل تۇرعىنىنىڭ ۇستىنەن تۇسكەن. كاسىپكەرلىكپەن رۇقساتسىز اينالىسقان وعان اكىمشىلىك حاتتاما تولتىرىلىپ، زاڭسىز ءونىم تاركىلەندى.

«وبلىستا جىل باسىنان وسىنداي 25 دەرەك انىقتالىپ، 59,5 ليتر سپيرتتىك ءونىم الىندى. بۇدان باسقا اراق- شاراپ ساتاتىن ساۋدا ورىندارىن دا باقىلاۋدا ۇستايمىز. ويتكەنى 21 جاسقا دەيىنگىلەرگە سپيرتتىك ىشىمدىكتى ساتۋعا بولمايدى. سونداي-اق ساعات 23.00-دەن 12.00-گە دەيىن قۇرامىندا %30 ەتيل ءسپيرتى بار سۋسىنداردى ساتۋعا بولمايتىنىن ەسكەرتەمىز. تالاپتى ورىنداماعاندارعا 10 اەك مولشەرىندە ايىپپۇل سالىنادى»، - دەيدى س ق و پ د جەرگىلىكتى پوليتسيا قىزمەتى باسقارماسىنىڭ باستىعى ايدىن بايماتوۆ.

جالپى جىل باسىنان 16 اكىمشىلىك حاتتاما تولتىرىلسا، سونىڭ ۇشەۋى پەتروپاۆلعا تيەسىلى. سوتتىڭ شەشىمىمەن ەكى ازىق- تۇلىك دۇكەنىنىڭ جانە «شوكولاد» تۇنگى كلۋبىنىڭ اراق- شاراپ ساتۋعا ليتسەنزياسى ۋاقىتشا توقتاتىلدى. سونداي-اق قوعامدىق ورىنداردا ماس كۇيدە جۇرەتىندەرمەن كۇرەس جالعاسۋدا. جىل باسىنان وبلىستا ىشىمدىك ءىشىپ ەسىرگەن 948 ادام جاۋاپقا تارتىلدى.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات