تاجىكستان قازاقستاندا جاسالعان كۇزەت جابدىقتارىن ءوز تۇرمەلەرىندە قولدانادى

None
None
دۋشانبە. قازاقپارات - دۋشانبەدە پەتروپاۆل اۋىر ماشينا جاساۋ زاۋىتى (پ ا م ج ز) دايىنداعان كۇزەت جابدىقتارىن تاجىكستاننىڭ ادىلەت مينيسترلىگىنە سالتاناتتى تابىس ەتۋ ءراسىمى ءوتتى. بۇل تۋرالى ق ر سىرتقى ىستەر مينيسترلىگىنەن ءمالىم ەتتى، دەپ حابارلايدى قازاقپارات.

سالتاناتتى شاراعا ق ر س ءى م ەرەكشە تاپسىرمالار جونىندەگى ەلشىسى ءراپىل جوشىبايەۆ، قازاقستاننىڭ تاجىكستانداعى ەلشىسى اسقار تاجىبايەۆ، ت ر ادىلەت ءمينيسترىنىڭ ورىنباسارى مانسۋردجون ۋماروۆ، ب ۇ ۇ- نىڭ ورتالىق ازياداعى ەسىرتكى جانە قىلمىس جونىندەگى باسقارماسىنىڭ وڭىرلىك وكىلى اشيتا ميتتال، سونداي- اق پ ا م ج ز جانە ب ۇ ۇ-نىڭ ەلدىك كەڭسەلەرىنىڭ وكىلدەرى قاتىستى.

«ءىس-شارا اياسىندا تۇزەۋ مەكەمەلەرىنە ارنالعان كۇزەت جابدىقتارىنىڭ 2 جيىنتىعىن قابىلداۋ- تاپسىرۋ تۋرالى اكتىگە قول قويىلدى. بۇل جوبا قازاقستاننىڭ دامۋعا رەسمي كومەك ۇلتتىق جۇيەسىنىڭ (د ر ك) جوباسىن ىسكە اسىرۋىنىڭ ناتيجەسىندە مۇمكىن بولدى»، - دەلىنگەن س ءى م مالىمەتىندە.

ق ر س ءى م ەرەكشە تاپسىرمالار جونىندەگى ەلشىسى ر. جوشىبايەۆ ءوز سوزىندە د ر ك ۇلتتىق جۇيەسىن قۇرۋ بويىنشا جۇرگىزىلىپ جاتقان جۇمىستار، وسى سالاداعى ۇلتتىق وپەراتور «KazAID» اگەنتتىگىن قۇرۋ جونىندەگى جوسپارلاردى تانىستىردى. سونداي-اق، قازاقستاندىق ديپلومات ورتالىق ازيا ەلدەرى مەن اۋعانستانداعى د ر ك شەڭبەرىندەگى ءبىرقاتار جوبالاردىڭ ىسكە اسىرىلۋى تۋرالى حاباردار ەتىپ، قازاقستاندىق تاراپتىڭ وسى باعىت شەڭبەرىندە ودان ءارى بىرلەسكەن جۇمىسقا دايىندىعىن اتاپ ءوتتى.

ءوز كەزەگىندە، ت ر ادىلەت ءمينيسترىنىڭ ورىنباسارى م. ۋماروۆ قازاقستان تاراپىنا كومەك كورسەتكەنى ءۇشىن العىسىن بىلدىرە وتىرىپ، قازاقستاننىڭ وسى ماڭىزدى باعىتتاعى قىزمەتى تاجىكستاندا دا، جالپى وڭىردە دە تۇراقتىلىق پەن قاۋىپسىزدىكتى نىعايتۋعا مۇمكىندىك بەرەتىنىنە سەنىم ءبىلدىردى.

«قازاقستاننىڭ د ر ك سالاسىندا ايتارلىقتاي تاجىريبەسى بار. ءبىزدىڭ ەلىمىز اۋعانستانعا، قىرعىزستانعا، تاجىكستانعا ءبىلىم بەرۋ گرانتتارى مەن وقۋ ورىندارىن سالۋ تۇرىندە گۋمانيتارلىق كومەك كورسەتتى. جوبانى جۇزەگە اسىرۋ ورتالىق ازيا وڭىرىندەگى قاۋىپسىزدىكتى قامتاماسىز ەتۋ جانە قازاقستان مەن تاجىكستان اراسىنداعى ەكىجاقتى قارىم- قاتىناستاردى دامىتۋ جونىندەگى بىرلەسكەن كۇش-جىگەر اياسىندا ماڭىزدى بولىپ تابىلادى»، - دەدى ق ر س ءى م-نەن.

سوڭعى جاڭالىقتار