بيىل تۇركىستاندا جاڭا شاعىن اۋدان بوي كوتەرەدى
بۇل جونىندە كورپوراتسيانىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
«تۇركىستان» ا ك ك باسشىلىعى مەن قۇرىلىس كومپانيالارى وكىلدەرىنىڭ قاتىسۋىمەن وتكەن جيىندا «سىرداريا» جانە «ارمان» تۇرعىن ءۇي كەشەندەرىنىڭ قۇرىلىسىن اياقتاۋ ماسەلەسى تالقىلاندى. كەلىسسوز بارىسىندا قۇرىلىس سالۋشىلاردىڭ ءۇي قۇرىلىسىن اياقتاۋ ءۇشىن قارجى جەتىسپەي جاتقانى انىقتالدى. كەزدەسۋ قورىتىندىسى بويىنشا قوس تاراپ قارجىلاندىرۋ شارتتارىن انىقتاپ، ناقتى مەحانيزمدەردى ماقۇلدادى.
«ساتۋعا ارنالعان قۇرىلىسى ءجۇرىپ جاتقان وبەكتىلەر الاڭىنىڭ جالپى كولەمى - 58 مىڭ شارشى مەتر، ال جالپى سوماسى شامامەن 10 ميلليارد تەڭگەنى قۇرايدى. جاڭا شاعىن اۋدان 800 دەن استام جاس جانە كوپبالالى وتباسىنىڭ بيىل باسپانالى بولۋىنا مۇمكىندىك بەرەدى» دەلىنگەن حابارلامادا.
ەسكە سالا كەتسەك، 2019-جىلى «نۇرلى جەر» مەملەكەتتىك باعدارلاماسى اياسىندا «تۇركىستان - جاڭا قالا» شاعىن اۋدانىندا 6 تۇرعىن ءۇيدىڭ قۇرىلىسى اياقتالدى. ال 2020-جىلى 25 كوپ قاباتتى ءۇيدى پايدالانۋعا بەرۋ جوسپارلانىپ وتىر.
