پرەزيدەنت مەدياونىمدەردىڭ باسەكەگە قابىلەتتى بولۋىن تاپسىردى - داۋرەن ابايەۆ
«پرەزيدەنت مەديانارىقتى دامىتۋ ماسەلەلەرىنە ەرەكشە كوڭىل ءبولدى. مۇندا سالانى قولداۋ تۋرالى عانا ايتىلعان جوق. پرەزيدەنت بارلىق مەديا سالانىڭ، مەدياونىمدەردىڭ باسەكەگە قابىلەتتىلىگىن كوتەرۋدى، ينفراقۇرىلىم جانە زاڭنامانى جەتىلدىرۋ ماسەلەلەرىن العا قويىپ وتىر»، - دەدى مينيستر «حابار» ارناسىنداعى «اشىق ديالوگ» باعدارلاماسىندا.
ءمينيستردىڭ ايتۋىنشا، بۇل باعىتتا مينيسترلىك كەشەندى شارالار جۇرگىزىپ جاتىر.
«بۇل شارالار قازىر ءتۇرلى دەڭگەيدە پىسىقتالىپ جاتىر. تولىعىمەن دايىن بولعاندا، كوپشىلىككە تانىستىرامىز»، - دەدى د. ابايەۆ.
ەسكە سالا كەتسەك، كەشە ق ر پرەزيدەنتى قاسىم-جومارت توقايەۆ اقپارات جانە قوعامدىق دامۋ ءمينيسترى داۋرەن ابايەۆتى قابىلدادى. كەزدەسۋ بارىسىندا پرەزيدەنتكە مەملەكەتتىڭ اقپاراتتىق ساياساتىنىڭ تەتىكتەرىن جەتىلدىرۋ، ازاماتتىق قوعاممەن ىقپالداستىقتى نىعايتۋ، جاستاردىڭ باستامالارى مەن جوبالارىنا قولداۋ كورسەتۋ، سونداي-اق، دياسپورالىق جانە ءدىني ساياسات باعىتىندا جوسپارلانعان شارالار تۋرالى باياندالدى.