تۇركىستان جاستارى «ءوزىن-ءوزى باسقارۋ» ۇيىمىنىڭ العاشقى وتىرىسىن وتكىزدى
جيىندا ورتالىق باسشىسىنىڭ مىندەتىن اتقارۋشى امالبەك ءومىرتاي باسقوسۋدىڭ ماڭىزى مەن ماقساتىن ءتۇسىندىردى، دەپ حابارلايدى قازاقپارات ءتىلشىسى.
«ءوزىن-ءوزى باسقارۋ ۇيىمى جاستارعا ءوزىن- ءوزى جانە ۇجىمدى باسقارۋدى ۇيرەتەتىن، ازاماتتىق- قۇقىقتىق مىنەز- قۇلىقتىڭ الەۋمەتتىك تاجىريبەسىن جيناقتاۋعا مۇمكىندىك بەرەتىن مەكتەپ. تەحنيكالىق جانە كاسىپتىك ءبىلىم بەرۋ ۇيىمدارى ءومىردىڭ ماڭىزدى سۇراقتارىنا جاۋاپ ىزدەيتىن، وي ءورىسى كەڭ، تۇلعالىق قالىپتاسۋعا مۇمكىندىك تۋعىزاتىن ورتا. باستى ماقسات - جاستاردى ۇزدىكسىز دامۋعا، قوعامدىق ومىرگە بەيىمدەۋ جانە جۇيەلى شىعارماشىلىق جۇمىستاردى ۇيىمداستىرۋ ارقىلى وي جيەگىن كەڭەيتىپ، جاۋاپكەرشىلىككە داعدىلاندىرۋ»، - دەدى ا. ءومىرتاي.
باسقوسۋدا «ءوزىن- ءوزى باسقارۋ» ۇيىمىنىڭ جەتەكشىسى انەلى مەيىربەك جۇمىس جوسپارىمەن تانىستىردى.
«ءوزىن- ءوزى باسقارۋ» ۇيىمىنىڭ قۇرىلىمىندا باسقارۋشى ورگان بولادى. پرەزيدەنتى ءبىلىم بەرۋ ۇيىمدارىنىڭ داۋىس بەرۋ ناتيجەسىمەن سايلانادى. ال، باعىتىنا كەلسەك، «جاسامپازدىق»، «باسەكەگە قابىلەتتىلىك»، «ىنتىماقتاستىق»، «ادىلەتتىلىك»، «قامقورلىق» ۇستانىمدارى بويىنشا جۇمىس جاسايدى. تۇركىستان وبلىسى بويىنشا ءبىرىڭعاي ۇلگىدە جوسپارى، توسبەلگىسى، لوگوتيپى، ۇرانى جانە الەۋمەتتىك جەلىلەردە پاراقشالارى بولادى»، - دەدى انەلى مەيىربەك.
جيىندا سونداي-اق، جارىسسوزگە شىققان سالا ماماندارى مەن جاستار ءوزارا پىكىر الماسىپ، ۇسىنىستارىن ايتتى.
