+7 (701) 759 90 19
23 °С : نۇر-سۇلتان
27 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

داۋرەن ابايەۆ پرەزيدەنتتىڭ ميۋنحەنگە ساپارى تۋرالى: ەلىمىزدىڭ دامۋ ستراتەگياسىن كورسەتەتىن جاقسى مۇمكىندىك

21 اقپان 08:44
:ءبولىسۋ

نۇر-سۇلتان. قازاقپارات – ق ر اقپارات جانە قوعامدىق دامۋ ءمينيسترى داۋرەن ابايەۆ پرەزيدەنت قاسىم-جومارت توقايەۆتىڭ ميۋنحەن قاۋىپسىزدىك كونفەرەنتسياسىنا قاتىسۋى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«ساپار ىسكەرلىك سيپاتتا وتە مازمۇندى ءوتتى. پرەزيدەنت وزگە ەلدىڭ باسشىلارىمەن جانە ءىرى ترانسۇلتتىق كومپانيا باسشىلىعىمەن وننان استام كەزدەسۋ وتكىزدى. ميۋنحەن سىندى كونفەرەنتسيالار اۋقىمدى حالىقارالىق قوعامداستىققا ەلىمىزدىڭ دامۋ ستراتەگياسىن، قازاقستاننىڭ سىرتقى ساياسي باعىتىن كورسەتۋگە وتە ىڭعايلى»، - دەدى مينيستر «حابار» ارناسىنداعى «اشىق ديالوگ» باعدارلاماسىندا.

ونىڭ ايتۋىنشا، مۇنداي كونفەرەنسيالار ءتيىستى وكىلدىك دەڭگەيگە شىعىپ، كەڭ قامتىلۋعا مۇمكىندىك بەرەدى.

«بۇل كەزدەسۋلەر - جاي عانا پىكىر الماسۋ ەمەس، ەلىمىزگە قۇيىلاتىن ينۆەستيتسيا ماسەلەلەرى جانە ەكىجاقتى ىنتىماقتاستىقتىڭ نەگىزگى باعىتتارى بويىنشا دايىندىق بولىپ سانالادى. سونىمەن بىرگە، بۇل - وڭىرلىك قاۋىپسىزدىكپەن قامتاماسىز ەتۋ، تەرروريزممەن، ەسىرتكى تاسىمالىمەن، ۇيىمداسقان قىلمىسپەن كۇرەس ماسەلەلەرى بويىنشا ءوز ۇستانىمىمىزدى جاريالايتىن جاقسى مۇمكىندىك»، - دەدى د. ابايەۆ.

بۇعان دەيىن حابارلانعانداي، 14-16- اقپان كۇندەرى مەملەكەت باسشىسى قاسىم-جومارت توقايەۆ گەرمانيانىڭ ميۋنحەن قالاسىنا جۇمىس ساپارىمەن باردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات