ديماش قۇدايبەرگەن اۋىر دەرتتەن كوز جۇمعان جانكۇيەرىنە ءان ارنادى

قازان. تاتار-ينفورم - قازاقپارات - تاتارستان استاناسىندا كونسەرت بەرگەن ديماش قۇدايبەرگەن اندەرىنىڭ ءبىرىن ءوزىنىڭ جانكۇيەرى بولعان، ونكولوگيالىق دەرتتەن كوز جۇمعان تاتار قىزى لەيسان سەيتنازاروۆاعا ارنادى، دەپ حابارلايدى قازاقپارات تاتار-ينفورمعا سىلتەمە جاساپ.

قازاقستاندىق ءانشى قازان قالاسىنا ARNAU TOUR 2020 الەمدىك تۋرنەسى اياسىندا كەلدى.

ديماش كەش بارىسىندا ورىنداعان كومپوزيتسيالاردىڭ ءبىرىن بالا كەزىنەن ونكولوگيالىق سىرقاتپەن كۇرەسكەن لەيسان سەيتنازاروۆاعا ارنادى. جاس قىز ءانشىنىڭ شىعارماشىلىعىن جان- تانىمەن ۇناتقان. 2019 -جىلى د. قۇدايبەرگەن ناۋقاس قىز WorldSkills Kazan شاراسىنىڭ جابىلۋ سالتاناتىنا بارا الماعاندىقتان، حوسپيسكە ارنايى بارىپ، ونىمەن كەزدەسكەن بولاتىن.

«لەيسان وزىنە سۇيىكتى ورىنداۋشىسى كەلەتىنىن سوڭعى ساتكە دەيىن بىلگەن جوق. كەيىن كەزدەسۋدى ۇيىمداستىرۋشىلار ونىڭ تاڭعالعان كۇيىن ايتىپ جەتكىزۋگە لايىقتى سوزدەر تابا الماعان. 21 جاستاعى لەيسان ديماشپەن كەزدەسكەننەن كەيىن ءتورت ايدان سوڭ كوز جۇمدى. ول ونىڭ ەڭ اسقاق ارماندارىنىڭ ءبىرىن ورىندادى. كونسەرت بارىسىندا ءانشى لەيساندى ءالى ۇمىتپاعانىن ايتىپ، ونى «قارىنداسىم» دەپ اتادى»، - دەپ جازادى تاتار-ينفورم.

«تاتنەفت ارەناداعى» كونسەرت كورەرمەندەرگە لىق تولى بولدى. فاناتتار تاتارستاننىڭ، رەسەيدىڭ تۇكپىر- تۇكپىرىنەن، ءتىپتى كانادا، فينليانديا جانە قازاقستاننان بارعان.

بۇعان دەيىن حابارلاعانىمىزداي، جانكۇيەرلەر ديماشتى، ونىڭ اتا-اناسى سۆەتلانا مەن قانات ايتبايەۆتاردى قازان اۋەجايىندا ۇلكەن قوشەمەتپەن قارسى الدى. ولاردىڭ اراسىندا ەڭبەك ارداگەرى دە بولدى.

جاس تالانتتىڭ ARNAU TOUR 2020 الەمدىك تۋرنەسى اياسىنداعى كونسەرتتەرى بۇدان ءارى رەسەيدىڭ ەكاتەرينبۋرگ، لاتۆيانىڭ ريگا، ۋكراينانىڭ كيەۆ، گەرمانيانىڭ گامبۋرگ، ديۋسسەلدورف، چەحيانىڭ پراگا، شتۋتگارت، رەسەيدىڭ مينسك قالالارىندا جالعاساتىن بولادى.